مامىر ايىنداعى مەرەكە كۇندەرى مەديتسينالىق ۇيىمدار, ياعني قالالىق مساك ۇيىمدارى شتاتتىق رەجيمدە جۇمىس ىستەيتىن بولادى, دەپ حابارلايدى Egemen.kz قوعامدىق دەنساۋلىق ساقتاۋ باسقارماسىنا سىلتەمە جاساپ.
قوعامدىق دەنساۋلىق ساقتاۋ باسقارماسى حابارلاعانداي قالالىق ەمحانالاردا ۋچاسكەلىك دارىگەرلەر مەن ءموبيلدى بريگادالار جۇمىس ىستەيتىن بولادى.
«الدا مەرەكەلەر بار, الايدا ءبىز حالىققا مەديتسينالىق كومەك كورسەتۋ ءۇشىن ۇزدىكسىز جۇمىس ىستەي بەرەمىز. قاجەت بولعان جاعدايدا پاتسيەنتتەر ۋچاسكەلىك دارىگەرلەرگە جۇگىنە الادى. سول سياقتى ساعات 08:00-20:00-گە دەيىن جۇمىس ىستەيتىن جىلجىمالى بريگادالاردى دا شاقىرا الادى. ال «جەدەل جاردەم» قىزمەتى تاۋلىك بويى قىزمەت ەتەدى. جەدەل شاقىرۋلاردىڭ 4 ساناتىنا ەمحانالارداعى جمك قىزمەت كورسەتەدى», دەدى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا.
رۇستەموۆا مەرەكە كۇندەرى سالالىق ماماندار جۇمىس ىستەمەيتىنىن, ال جەكسەنبىدە تەك كەزەكشى دارىگەرلەر كومەك كورسەتەتىنىن اتاپ ءوتتى.
«قالا تۇرعىندارى مەرەكە كۇندەرى ءوز ەمحانالارىنىڭ كولل-ورتالىقتارىنا نەمەسە ۋچاسكەلىك دارىگەرلەرگە قوڭىراۋ شالا الادى. بايلانىس نومىرلەرى ولاردىڭ رەسمي سايتتارىندا جانە الەۋمەتتىك جەلىلەردە كورسەتىلگەن», دەدى ول.