الەمنىڭ تۇكپىر-تۇكپىرىندەگى كورەرمەن قاۋىم, ونىڭ ىشىندە برازيليا, ارگەنتينا, بوليۆيا, ۆەنەسۋەلا, كولۋمبيا, پاراگۆاي, پەرۋ, ۋرۋگۆاي, چيلي, ەكۆادور سونداي-اق رەسەي, پولشا, بەلگيا, سينگاپۋر, شۆەتسيا مەن اۆستراليادا تۇراتىن وتانداستارىمىز قازاقستان حالقىنىڭ بىرلىگى مەرەكەسى اياسىندا «استانا وپەرا» تەاترىنىڭ سپەكتاكلىن ءبىر مەزەتتە تاماشالايتىن بولادى, دەپ حابارلايدى Egemen.kz
وپەرا جانە بالەت تەاترىنىڭ سپەكتاكلدەرىنىڭ ونلاين كورسەتىلىمى ەلوردالىق تەاتردىڭ You Tube پلاتفورماسىنداعى جەكە كانالىنان كورسەتىلەدى. سونداي-اق تاراتىلىمنىڭ ۋاقىتى مەن كۇنى تۋرالى مالىمەتتەردى الەمنىڭ 16 ەلىندەگى قازاقستان رەسپۋبليكاسىنىڭ ەلشىلىكتەرى تاراتاتىن بولادى.
«ادامداردى مادەنيەت سياقتى ەشنارسە توپتاستىرىپ, بىرىكتىرە المايدى, سول سەبەپتى ءبىز قازاقستان حالقىنىڭ بىرلىگى كۇنى الەمنىڭ ءار قيىرىندا سپەكتاكلدەرىمىزدىڭ ونلاين كورسەتىلىم جوباسىن جۇزەگە اسىرۋدى كوزدەپ وتىرمىز. وعان 16 ەل قاتىسادى دەپ جوسپارلانۋدا. العاشقىلاردىڭ ءبىرى بولىپ قازاقستان رەسپۋبليكاسىنىڭ رەسەي, برازيليا, پولشا مەن شۆەتسياداعى ەلشىلىكتەرى كەلىسىم ءبىلدىردى. ونلاين افيشاعا 5 سپەكتاكل ەندى – 28 ءساۋىر كۇنى وتەتىن ا.اداننىڭ «كورسار» بالەتى, كەلەسى كۇنى جۇرتشىلىق نازارىنا پ.ي.چايكوۆسكيدىڭ «اققۋ كولى» تانىمال بالەتى ۇسىنىلماق, وپەرانى سۇيەتىن وتانداستارىمىزدىڭ نازارىنا 30 ءساۋىر كۇنى دج.ءپۋچچينيدىڭ «تۋراندوت» سپەكتاكلىن ازىرلەدىك. ال 1 جانە 2 مامىر كۇندەرى حالىقارالىق اۋديتوريامىزدى الەمدىك حورەوگرافيا جاۋھارلارى – ل.مينكۋستىڭ «دون كيحوت» جانە ا.اداننىڭ «كورسار» بالەتتەرىمەن قۋانتپاقپىز», دەدى «استانا وپەرا» تەاترىنىڭ ديرەكتورى عالىم احمەدياروۆ.