ۇلتتىق قاۋىپسىزدىك ورگاندارىنىڭ ارداگەرى, وتستاۆكاداعى گەنەرال-مايور سايات مىڭباەۆ قايتىس بولدى. قارالى حابار تۋرالى قر ۇقك اقپارات تاراتتى, دەپ حابارلايدى Egemen.kz
«ۇلتتىق قاۋىپسىزدىك كوميتەتىنىڭ جانە «ۇقك ورگاندارىنىڭ ارداگەرلەرى» رقق باسشىلىعى ورنى تولماس شىعىن – ۇلتتىق قاۋىپسىزدىك ورگاندارىنىڭ ارداگەرى, وتستاۆكاداعى گەنەرال-مايور مىڭباەۆ سايات مۇحامەتباي ۇلىنىڭ قايتىس بولۋىنا بايلانىستى وتباسى مەن دوستارىنا قايعىلارىنا ورتاقتاسىپ كوڭىل ايتادى», دەلىنگەن حابارلامادا.
سايات مىڭباەۆ بۇعان دەيىن ۇقك-ءنىڭ اسكەري بارلاۋ دەپارتامەنتىنىڭ باستىعى بولعان. ول – «قازاقستان تەمىر جولى» اق باسقارماسىنىڭ بۇرىنعى توراعاسى ساۋات مىڭباەۆتىڭ اعاسى.