سامارقاندا قازاقستان رەسپۋبليكاسىنىڭ باس كونسۋلدىعى رەسمي تۇردە اشىلدى, دەپ حابارلايدى ەgemen.kz.
سالتاناتتى شاراعا قازاقستاننىڭ وزبەكستان رەسپۋبليكاسىنداعى ەلشىسى دارحان ساتىبالدى مەن سامارقان وبلىسىنىڭ اكىمى ەركينجون تۋرديموۆ قاتىستى.
«سامارقاندا قازاقستان رەسپۋبليكاسىنىڭ باس كونسۋلدىعىنىڭ اشىلۋى – ءبىزدىڭ مەملەكەت باسشىلارىنىڭ ۋاعدالاستىعىنىڭ ناتيجەسى. بۇگىندە وزبەكستان – قازاقستاننىڭ ورتالىق ازياداعى ەڭ ءىرى ساۋدا سەرىكتەسى, ونىڭ ۇلەسىنە ءوڭىر ەلدەرىمەن تاۋار اينالىمىنىڭ جالپى كولەمىنىڭ 50%-دان استامى تيەسىلى.
ءوز كەزەگىندە وزبەك بيزنەسى قازاقستاندىق نارىقتى بەلسەندى يگەرۋدە. وسىنىڭ بارلىعى مەملەكەت باسشىلارى قاسىم-جومارت كەمەل ۇلى توقاەۆ پەن شاۆكات ميرومون ۇلى ميرزيەەۆتىڭ كۇش-جىگەرىنىڭ, قازاقستاننىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ ارنايى ۇلەس قوسۋىنىڭ ارقاسىندا جاسالىپ جاتىر», دەدى د. ساتىبالدى قۇتتىقتاۋ سوزىندە.
قازاقستاندىق ديپلوماتتىڭ ايتۋىنشا, سامارقان وزبەكستاننىڭ ستراتەگيالىق ورتالىعى سانالادى جانە ماڭىزدى تۋريستىك, ەكونوميكالىق جانە كولىك الەۋەتىنە يە. سول سەبەپتى سامارقاندا باس كونسۋلدىقتىڭ اشىلۋى كەزدەيسوق ەمەس.
«ايتا كەتۋ كەرەك, سامارقان بۇگىندە قازاقستاندىق تۋريستەر ءۇشىن عانا ەمەس, بيزنەس سالاسىندا دا تارتىمدى ورتالىق بولىپ وتىر. قالانىڭ تاريحى باي وتكەنى, سونداي-اق جارقىن بولاشاعى بار. جۋىق ارادا سامارقان ميلليونەر قالا مارتەبەسىنە يە بولادى. بۇل ونىڭ ساياسي مارتەبەسىن ارتتىرىپ, تۋريستىك مۇمكىندىكتەرىن كەڭەيتەدى, سونداي-اق ينۆەستيتسيالىق تارتىمدىلىعىن كۇشەيتەدى. سامارقان قالاسىنداعى باس كونسۋلدىقتىڭ قىزمەتى قازاقستان مەن وزبەكستان اراسىنداعى تاتۋ كورشىلىك قارىم-قاتىناستاردى جانداندىرۋعا ەلەۋلى ۇلەس قوساتىنىنا سەنىمدىمىن», دەدى دارحان ساتىبالدى.
سامارقان وبلىسىنىڭ باسشىسى ە. تۋرديموۆ ەكى ەلدىڭ ستراتەگيالىق ىنتىماقتاستىعىن كەڭەيتۋ ماقساتىنا تولىق سايكەس كەلەتىن قازاقستاندىق ديپلوماتيالىق ميسسيانى اشۋدىڭ تاريحي ماڭىزدىلىعىن اتاپ ءوتتى.
«مۇنداي ايتۋلى وقيعا تاريحىمىزدا قالاتىنى ءسوزسىز. ءبىز قازاقستاننىڭ سامارقانداعى باس كونسۋلىنا بارىنشا قولداۋ كورسەتەمىز.
قازاقستان-وزبەكستان قارىم-قاتىناستارىنىڭ ساپالى جاڭا دەڭگەيدە دامۋى باۋىرلاس ەكى حالىقتىڭ ۇزاق مەرزىمدى دوستىق مۇددەلەرىنە تولىق جاۋاپ بەرەتىنىن جانە ورتالىق ازيا وڭىرلەرىنىڭ بەيبىتشىلىكتى, تۇراقتىلىقتى, قاۋىپسىزدىكتى جانە جەدەل دامۋىن قامتاماسىز ەتۋدىڭ ماڭىزدى فاكتورى بولاتىنىن ايتقىم كەلەدى», دەدى سامارقان وبلىسىنىڭ اكىمى ەركينجون تۋرديموۆ.