اقمولا وبلىسىنىڭ بۇلاندى اۋدانى ماكينسك قالاسىندا قازىرگى زامانعى وزىق تەحنولوگيا بويىنشا سالىنىپ جاتقان تاۋلىگىنە 600 توننا وسىمدىك مايىن وندىرەتىن جاڭا زاۋىتتى بيىل كۇزدە ىسكە قوسۋ جوسپارلانىپ وتىر, دەپ حابارلايدى Egemen.kz
زاۋىت قۇرىلتايشىسى «بوتا-2015» جاۋاپكەرشىلىگى شەكتەۋلى سەرىكتەستىگىنىڭ ديرەكتورى ۆاسيلي بورەۆيچتىڭ ايتۋىنشا, جوبانىڭ قۇنى 4,2 ميلليارد تەڭگە. كاسىپورىن اشىلسا, جەرگىلىكتى 80 ادامدى جۇمىسپەن قامتىلادى. ەلىمىز بويىنشا وسى تەكتەس زاۋىت الماتى قالاسىندا عانا بار. مۇنداي ءوندىرىس ورىندارىن سالۋ - تەرەڭدەتىلە وڭدەلگەن, قۇنى جوعارى ءونىم ەكسپورتىنا وتۋگە مۇمكىندىك بەرەدى.
«زاۋىت قۇرىلىسىن «بوتا-2015» جاۋاپكەرشىلىگى شەكتەۋلى سەرىكتەستىگى قولعا العان. قازىرگى كەزدە عيماراتتىڭ قابىرعاسى تۇرعىزىلىپ, قويمانىڭ قۇرىلىس-مونتاج جۇمىسى, تەمىرجول قۇرىلىسى اياقتالۋعا جاقىن. وسى زامانعى قوندىرعىلارمەن جابدىقتالعان زاۋىتتا مايلى داقىلداردى وڭدەپ, تاياۋ شەتەل نارىعىنا ەكسپورتتاۋ جوسپارلانعان. زاۋىت-بۇل قالدىقسىز ءوندىرىس. قالعان قالدىقتار جەمگە ساتىلادى», دەيدى ۆاسيلي بورەۆيچ.
ايتا كەتەيىك, سوڭعى كەزدەرى وڭىردە قايتا وڭدەۋ ونەركاسىبىنىڭ ءوسىمى بايقالۋدا.