ءۇندىستاندا تاۋلىگىنە 2 مىڭنان استام ادام كوروناۆيرۋستان كوز جۇمۋدا, دەپ حابارلايدى ەgemen.kz ۆۆس.com سايتىنا سىلتەمە جاساپ.
ءبىرىنشى تولقىندا تاۋلىگىنە ورتاشا العاندا 93 مىڭ تۇرعىن كوروناۆيرۋس جۇقتىرعان. 17 ساۋىردەن باستاپ كۇندەلىكتى ستاتيستيكا 200 مىڭ ادامعا دەيىن كوتەرىلىپ, سوڭعى اپتادا كۇنىنە 350 مىڭ ادامعا جەتىپ وتىر. ءولىم سانى دا ءبىرىنشى تولقىنمەن سالىستىرعاندا ەكى ەسەگە ارتتى. ءۇندىستاندا كوروناۆيرۋستان سوڭعى اپتادا تاۋلىگىنە ورتاشا 2 336 ادام قايتىس بولدى.
ەلدەگى ەڭ اۋىر جاعداي دەليدە, مۇندا اۋرۋحانالاردا ءوججا ورناتىلعان ورىندار قالماعان. باسقا ءىرى قالالاردا دا جاعداي وسىنداي. رەسمي ستاتيستيكا بويىنشا, پاندەميا باستالعالى ەلدە 17 ملن ادام كوروناۆيرۋس جۇقتىرىپ, 192 مىڭ ادام قايتىس بولعان. حالىق سانىنىڭ كوپتىگى جانە ۇدايى جىلجىپ وتىرۋى Covid-19-عا تەستىلەۋ وتكىزۋگە جانە ناقتى ءولىم سانى بويىنشا ەسەپ جۇرگىزۋگە كەدەرگى كەلتىرەدى. سول سەبەپتى ۇندىستانداعى داعدارىستىڭ شىنايى ماسشتابىن باعالاۋ قيىنعا سوعىپ وتىر.
BBC ءتىلشىسىنىڭ ايتۋىنشا, ەلدەگى ماسشتابتى ۆاكتسينالاۋ باعدارلاماسى ۇلكەن قيىندىقتارعا تاپ بولۋدا. بۇل باعدارلاما 16 قاڭتار كۇنى باستالعان, شىلدەگە دەيىن 250 ملن ادامدى ۆاكتسينالاۋدى كوزدەپ وتىر. قازىرگى كەزدە ۆاكتسينانىڭ ءبىرىنشى دوزاسىن 118 ملن ادام عانا العان, بۇل – حالىقتىڭ 9%-ى.
جۇقتىرۋ رەكوردى ءۇندىستان شەكاراسىن اسۋى مۇمكىن, سول سەبەپتى كوپ ەلدەر بۇل ەلمەن اۋە قاتىناسىن توقتاتتى. بريتانيا, برازيليا جانە وڭتۇستىك افريكادا پايدا بولعان كوروناۆيرۋستىڭ جاڭا ءتۇرى وزگە ەلدەردە ۇلكەن پروبلەمالار تۋدىردى. فيزيكا جانە بيولوگيا پروفەسسورى, جۇقپالى اۋرۋلاردى مودەلدەۋ سالاسىنداعى ساراپشى مەنون ءۇندىستاندا ۆيرۋستىڭ جاڭا ءتۇرى پايدا بولۋى مۇمكىن ەكەندىگىن ەسكەرتتى. دۇنيەجۇزىلىك قاۋىمداستىق ۇندىستانعا داعدارىستى جەڭۋگە كومەك كورسەتۋدە. ۇلىبريتانيا ەلگە ءوججا جانە كويۋلانعان وتتەك قورلارىن جىبەردى, اقش ۇندىستانعا AstraZeneca ۆاكتسيناسىن كوپ مولشەردە وندىرۋگە مۇمكىندىك بەرۋ ءۇشىن باستاپقى ماتەريالدار ەكسپورتىنا تىيىمدى ۋاقىتشا الىپ تاستادى. كوپتەگەن ەلدەر بىلىكتى قىزمەتكەرلەر مەن جەكە قاۋىپسىزدىك قۇرالدارىن ۇسىنۋدا.