رەسەيدىڭ قورعانىس ءمينيسترى سەرگەي شويگۋ وزبەكستانعا رەسمي ساپارمەن باردى, دەپ حابارلايدى Egemen.kz uz.sputniknews.ru سايتىنا سىلتەمە جاساپ.
ول وزبەكستاننىڭ قورعانىس ءمينيسترى باحودير كۋربانوۆپەن كەلىسسوزدەر جۇرگىزۋدى جوسپارلاپ وتىر.
كەزدەسۋ بۇحارا قالاسىندا وتەدى. تاراپتار حالىقارالىق جانە ايماقتىق قاۋىپسىزدىك پروبلەمالارى, سونداي-اق رەسەي فەدەراتسياسى مەن وزبەكستان اراسىنداعى اسكەري جانە اسكەري-تەحنيكالىق ىنتىماقتاستىق ماسەلەلەرىن تالقىلاماق.
سەرگەي شويگۋ وزبەك ەلىنە تاجىكستاننان ۇشىپ كەلدى.
ايتا كەتەيىك, ول كەشە, ياعني 27 ساۋىردە ۇقشۇ ەلدەرى قورعانىس مينيسترلەرى كەڭەسىنىڭ وتىرىسىنا قاتىسىپ, ءوزىنىڭ تاجىك ارىپتەسى شەرالي ميرزو جانە مەملەكەت باسشىسىمەن ەكىجاقتى كەلىسسوزدەر جۇرگىزگەن بولاتىن.