تۇركىستان وبلىسىندا اقبوكەن اتقان براكونەرلەر ۇستالدى

تۇركىستان وبلىسى پد جەرگىلىكتى پوليتسيا قىزمەتى باسقارماسىنىڭ تابيعاتتى قورعاۋ ينسپەكتورلارى جانە «وحوتزووپروم» قىزمەتكەرلەرى «ۋىلدىرىق» ءىس-شاراسى كەزىندە ولار «قىزىل كىتاپقا» ەنگەن اقبوكەندەردى زاڭسىز اتىپ العان براكونەرلەردى قولعا ءتۇسىردى.

تۇركىستان وبلىسى پد جپق-نىڭ باستىعى پوليتسيا پولكوۆنيگى ۇلىقبەك مىلتىقوۆتىڭ ايتۋىنشا, بىرلەسكەن رەيدتىك شارا كەزىندە پوليتسەيلەر كۇدىكتى بولعان موتوتسيكل جۇرگىزۋشىسى مەن جولاۋشىسىن بايقايدى. سەزىكتىلەردىڭ سوڭدارىنان قۋىپ, توقتاتادى.

تەكسەرۋ جۇرگىزۋ كەزىندە ەكى ەر ازاماتتىڭ زاڭسىز اڭ اتىپ العاندىعىن انىقتايدى. ياعني ولاردان «قىزىل كىتاپقا» ەنگەن 8 اقبوكەننىڭ تۇتاستاي ەتى الىندى. سونداي-اق 1 تىركەلمەگەن اڭشى مىلتىعى مەن 14 اقبوكەننىڭ ءمۇيىزى تاركىلەندى. ۇستالعان ەكى ازاماتتىڭ سوزاق اۋدانىنىڭ جەرگىلىكتى تۇرعىندارى ەكەنى انىقتالدى.

ولار سوزاق اۋداندىق پوليتسيا بولىمىنە جەتكىزىلىپ, قاماۋعا الىندى. قازىرگى ۋاقىتتا كۇدىكتىلەرگە قاتىستى قر قك-ءنىڭ 339-بابىنىڭ 2 بولىگى «وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ» جانە قر قك-ءنىڭ 337-بابىنىڭ 4 بولىگى «زاڭسىز اڭشىلىق» بويىنشا سوتقا دەيىنگى تەرگەپ-تەكسەرۋ امالدارى جۇرگىزىلۋدە.