الماتىدا تۇرعىن ءۇي كەشەنىنىڭ كۇزەتشىسى اڭشىلىققا ارنالعان مىلتىقتان جاراقات الدى, دەپ حابارلايدى Egemen.kz.
پوليتسيا دەپارتامەنتىنىڭ مالىمەتىنشە, كۇزەتشى مەن بەلگىسىز ەر ادامنىڭ اراسىندا تۋىنداعان جانجال سالدارىنان كۇزەتشىنىڭ اياعى اڭشىلىق مىلتىقتان جارالانعان. ول اۋرۋحاناعا جەتكىزىلدى.
قازىرگى ۋاقىتتا الماتى پوليتسياسى «بۇقار جىراۋ تاۋەرس» تۇرعىن ءۇي كەشەنىندەگى اتقىشپەن كەلىسسوز جۇرگىزۋگە تىرىسىپ جاتىر. الايدا قارۋلى ازامات كەلىسسوزدەن باس تارتۋدا.
قاۋىپسىزدىكتى قامتاماسىز ەتۋ ماقساتىندا اتالعان ءۇيدىڭ تۇرعىندارى ەۆاكۋاتسيالاندى.
«پوليتسيا ازاماتتاردى تىنىشتىققا شاقىرادى. جابىرلەنۋشى رەانيماتسيادا, ونىڭ ومىرىنە قاۋىپ جوق», دەپ حابارلايدى قالالىق پوليتسيا دەپارتامەنتىنىڭ ءباسپاسوز قىزمەتى.
ايتا كەتەيىك, قىلمىسكەردى ۇستاۋ جانە زالالسىزداندىرۋ بويىنشا ارنايى وپەراتسيا جالعاسىپ جاتىر.