قىتاي بيلىگى ۇلىبريتانيانىڭ ەلدەگى شىڭجاڭ-ۇيعىر اۆتومونيالىق اۋدانىندا (شۇاا) ادام قۇقىعىنىڭ بۇزىلۋىنا قاتىستى تۋىنداعان ايىپتارىنا جاۋاپ بەردى, دەپ حابارلايدى Egemen.kz Reuters-كە سىلتەمە جاساپ.
قالىپتاسقان كۇردەلى احۋالعا بايلانىستى ۇلىبريتانيا پارلامەنتى ۇكىمەتتى حالىقارالىق قۇقىقتى پايدانالانا وتىرىپ, «شىڭجاڭداعى گەنوتسيدتى» توقتاتۋعا مىندەتتەدى. سونىمەن قاتار قىتايدىڭ ۇلىبريتانياداعى ەلشىلىگى پارلامەنتتىڭ بۇل قادامىن ايىپتاپ, بريتاندىقتاردى ەلدىڭ نەگىزگى مۇددەلەرىنە قۇرمەتپەن قاراۋعا شاقىردى.
«بريتاندىق دەپۋتاتتاردىڭ شىڭجاڭداعى جاعدايعا قاتىستى نەگىزسىز ايىپتاۋلارى شىندىققا جاناسپايدى. سونداي-اق اتالعان ۇندەۋدى قىتاي حالقىن قورلاۋ دەپ سانايمىز. سول سەبەپتى ىشكى ساياساتقا ارالاسۋىنا قارسىمىز», دەيدى ەلشىلىكتىڭ حابارلاماسىندا.
بۇعان دەيىن, وسىعان ۇقساس ايىپتاۋلاردى اقش جانە نيدەرلاندى تاراپى ايتقان ەدى. ال تۇماندى البيون شىڭجاڭداعى گەنوتسيدتى مويىنداعىن ەكىنشى ەل بولىپ وتىر.