«بولاشاق» باعدارلاماسى بويىنشا وقۋعا ۇسىنىلاتىن شەتەلدىك جوعارى وقۋ ورىندارىنىڭ جانە شەتەلدىك ۇيىمداردىڭ تىزىمىنە وزگەرىستەر ەنگىزىلدى. بيىل بۇل ءتىزىم 207 جوعارى وقۋ ورنىنا دەيىن ۇلعايتىلدى. 2020 جىلى 138 جوو بولعان. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ءبىلىم جانە عىلىم ۆيتسە-ءمينيسترى ميراس داۋلەنوۆ حابارلادى, دەپ جازادى Egemen.kz.
«قازاقستاندىقتار وقۋعا تۇسە الاتىن ۇيىمداردىڭ ءتىزىمى ايتارلىقتاي جاڭارتىلدى. بيىل تىزىمگە 3 حالىقارالىق اكادەميالىق رەيتينگكە كىرەتىن جانە QS, Times Higher Education (THE), Academic Rankings of World Universities (ARWU) ەكى جانە ودان ارتىق حالىقارالىق اكادەميالىق رەيتينگتەردىڭ العاشقى 250 پوزيتسياسىنداعى 27 ەلدىڭ 207 جوعارى وقۋ ورنى ەندى», دەپ اتاپ ءوتتى سپيكەر.