XXI عاسىر – ءبىلىم مەن عىلىمنىڭ عاسىرى. شىعىستا عىلىمعا دەن قويىپ, تىڭ جوبالاردى قولعا العان جاستار جوق ەمەس. ولار ءۇشىن جوعارى وقۋ ورىندارى بارىنشا مۇمكىندىك جاساپ وتىر, دەپ حابارلايدى Egemen.kz
جۋىقتا «جاستار شىعارماشىلىعى - قازاقستاننىڭ يننوۆاتسيالىق دامۋى» اتتى ستۋدەنتتەر, ماگيسترانتتار مەن جاس عالىمداردىڭ VII حالىقارالىق عىلىمي-تەحنيكالىق كونفەرەنتسياسى وتكەن.
كونفەرەنتسيا عىلىمي زەرتتەۋلەردىڭ 8 باعىتىن قامتىدى. ولار; قۇرىلىس جانە ارحيتەكتۋراداعى يننوۆاتسيا, ماشينا جاساۋ, ترانسپورت جانە اگروونەركاسىپ سالاسىنداعى يننوۆاتسيا, تاۋ-كەن مەتاللۋرگيا سالاسىنداعى كوكەيكەستى ماسەلەلەر, ەكونوميكانى باسقارۋ ماسەلەلەرى, قوعامنىڭ يننوۆاتسيالىق دامۋى, ءبىلىم, عىلىم جانە تەحنيكاداعى اقپاراتتىق-كوممۋنيكاتسيالىق تەحنولوگيالار, ەنەرگەتيكا, ەنەرگيا ۇنەمدەۋ جانە ماتەريالتانۋ, يننوۆاتسيالىق پروتسەستەردىڭ دامىتۋداعى الەۋمەتتىك-گۋمانيتارلىق عىلىمدار مەن شەت تىلدەرىنىڭ ءرولى, اسكەري عىلىم جانە دەنە شىنىقتىرۋ.
شاراعا ەلىمىزدىڭ 19 ۋنيۆەرسيتەتى مەن عزي جاس زەرتتەۋشىلەرى, تمد ەلدەرىنىڭ 2 ۋنيۆەرسيتەتى قاتىستى. ستۋدەنتتەر, ماگيسترانتتار مەن اسپيرانتتار يننوۆاتسيالىق يدەيالارمەن الماستى.
سونىمەن قاتار, عىلىم اپتالىعى كەزىندە ۋنيۆەرسيتەتتىڭ بارلىق دەرلىك مەكتەپتەرى ءتۇرلى كونكۋرس ۇيىمداستىرىپ, جەڭىمپازداردى انىقتادى. ماسەلەن, جەر جانە قورشاعان ورتا تۋرالى عىلىمدار مەكتەبى «مەن بولاشاق كەنشىمىن» اتتى ەسسە كونكۋرسىن ۇيىمداستىردى. اقپاراتتىق تەحنولوگيالار جانە زياتكەرلىك جۇيەلەر مەكتەبى «سۆويا يگرا» زياتكەرلىك ويىنىن وتكىزدى. ساۋلەت, قۇرىلىس جانە ديزاين مەكتەبىنىڭ ستۋدەنتتەرى «BIM-جوبالاۋ-قۇرىلىستىڭ بولاشاعى» شەبەرلىك-سىنىبىنا قاتىسىپ, ماعلۇمات الدى.
«جاستار شىعارماشىلىعى – قازاقستاننىڭ يننوۆاتسيالىق دامۋى» اتتى VII حالىقارالىق عىلىمي-تەحنيكالىق كونفەرەنتسيا قورىتىندىسى بويىنشا, ۇزدىك جۇمىس اۆتورلارى العىس حاتتارمە ماراپاتتالدى.