قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىندە شەتەلدىك عالىمدار مەن ارحەولوگتاردىڭ قاتىسۋىمەن «تۇركىستانعا 3000 جىل» اتتى دوڭگەلەك ۇستەل ءوتتى, دەپ حابارلايدى Egemen.kz
تاريحى تەرەڭ تۇركىستان قالاسىنا 3000 جىل بولعاندىعىن تاريحي دەرەكتەر ارقىلى جۇرتشىلىققا جەتكىزۋدى ماقسات ەتكەن جيىن بارىسىندا تاريح عىلىمدارىنىڭ دوكتورى, قر ۇعا اكادەميگى جانە الكەي مارعۇلان اتىنداعى ارحەولوگيا ينستيتۋتىنىڭ باس ديرەكتورى باۋىرجان بايتاناەۆ تۇركىستاننىڭ 1500 جىلدىعىن اتاپ وتكەن كەزدەگى مالىمەتتەر كەڭەستىك ءداۋىر دەرەكتەرى ەكەنىن ايتىپ ءوتتى.
«ول كەزدە قازاقستاننىڭ تاۋەلسىزدىگىنىڭ بارلىق جىلدارىندا جۇرگىزىلگەن ىرگەلى زەرتتەۋلەر بولعان جوق. ەجەلگى تۇركىستاننىڭ ۋربانيزاتسياسىنىڭ وزىندىك تەرەڭ تاريحى بار. دەمەك, ءبىزدىڭ داۋىرىمىزگە دەيىنگى XV عاسىردا تايپالار وسى تەرريتوريادا ءومىر سۇرگەن. تۇركىستان اۋماعىنداعى ارحەولوگيالىق كەشەندەردى زەرتتەي وتىرىپ, ءبىز ەكى ەجەلگى قورىمداردى اشامىز. مۇندا تابىلعان جەرلەۋلەر مەن اتريبۋتتار ءبىزدىڭ داۋىرىمىزگە دەيىنگى XV عاسىرعا جاتاتىنى ءسوزسىز. بۇل جادىگەرلەر مۇندا ءومىر سۇرگەن تايپالار مايىتتەردى وسىندا جەرلەگەنىن جانە وسى قالانىڭ اۋماعىندا ءومىر سۇرگەنىن كورسەتەدى», دەدى باۋىرجان بايتاناەۆ.
كەزدەسۋدە تۇركىستان وبلىسى اكىمىنىڭ ورىنباسارى ساكەن قالقامانوۆ, ۋنيۆەرسيتەت رەكتورى جانار تەمىربەكوۆا, دۇنيەجۇزىلىك مۇرا ۇلتتىق كوميتەتى توراعاسىنىڭ ورىنباسارى دميتري ۆوياكين, ز.بۋنياتوۆ اتىنداعى شىعىستانۋ ينستيتۋتى ديرەكتورىنىڭ ورىنباسارى, اكادەميك شايم مۇستافاەۆ, انتروپولوگيا دەپارتامەنتىنىڭ پروفەسسورى, Louis ۆاشينگتون ۋنيۆەرسيتەتى مايكل فراچەتتي, ارحەولوگ, عىلىم دوكتورى, ارحەولوگيا ينستيتۋتىنىڭ ديرەكتورى, تاتارستان رەسپۋبليكاسى حاليكوۆا عىلىم اكادەمياسىنىڭ كوررەسپوندەنت مۇشەسى ايرات سيديكوۆ, ارحەولوگ, تاريح عىلىمدارىنىڭ دوكتورى, گەرمانيا ارحەولوگيالىق ينستيتۋتىنىڭ كوررەسپوندەنت مۇشەسى ۆيكتور زايبەرت سىندى عالىمدار دا پىكىر ءبىلدىرىپ, ەجەلگى قالانى ءالى دە زەرتتەپ زەردەلەي ءتۇسۋ كەرەكتىگىن جەتكىزدى.
كەزدەسۋ سوڭىندا ۋنيۆەرسيتەت باسشىسى عالىمدارعا وقۋ ورنى اتىنان «قوجا احمەت ءياساۋيدىڭ حيكمەتتەرى» اتتى دانالىق كىتاپتى جانە «پرەزيدەنت نازارباەۆ» قىزعالداعىنىڭ گۇل شوقتارىن تارتۋ ەتتى.