شىمكەنتتە سوڭعى ءبىر تاۋلىكتە 5 مىڭنان اسا ادامعا كوۆيدكە قارسى ۆاكتسينا سالىندى

مەديتسينا ماماندارىنىڭ سوزىنشە, قازىردە  قاراپايىم ادامدار اراسىندا ەكپە العانداردىڭ سانى كوپ.  اسىرەسە ەمحانالاردا  جاسى ەگدە ادامدار بىرىنەن سوڭ ءبىرى كەلىپ, ەكپە سالدىرۋدا. قازىر قالادا 38 ۆاكتسينا پۋنكتى جۇمىس ىستەپ تۇر. بۇعان قوسا ارنايى مەكەمەلەردە جىلجىمالى ەگۋ پۋكتەرىنىڭ جۇمىسى ۇيىمداستىرىلىپ, مەديتسينا ماماندارى ەرىكتى تۇردە ازاماتتارعا ۆاكتسينا سالۋدا.  ايتا كەتەيىك, بۇگىنگە دەيىن قالادا 21 748 ازاماتقا كوروناۆيرۋسكە قارسى ۆاكتسينا سالىندى. ەمحانالارداعى ەكپە ەگۋ پۋنكتەرىنىڭ جۇمىس ۋاقىتى تۇنگى ساعات 22:00-گە دەيىن ۇزارتىلىپ, دەمالىس كۇندەرى دە ءوز ەركىمەن كەلىسىم بەرگەن ازاماتتارعا ۆاكتسيناتسيا جۇرگىزىلۋدە.