ىلە-الاتاۋ ۇلتتىق پاركىنىڭ وكىلى الماتى وبلىسىندا تۋريستەر ەسىك كولى مەن تۇرگەن شاتقالىنا بارا المايتىنىن ءمالىم ەتتى, دەپ حابارلايدى Egemen.kz
10-11 ءساۋىر كۇندەرى ايماق تۇرعىندارى مەن قوناقتارىنىڭ ءبىر بولىگى تۇرگەن شاتقالىنا, ال ءبىر بولىگى ەسىك كولىنە بارعىسى كەلگەن. الايدا ۇلتتىق پارك اۋماعىندا تاۋعا قاراي 5 شاقىرىم عانا جۇرە العان. سەبەبى ءارى قاراي قورىق قىزمەتكەرلەرى جولدى جاۋىپ تاستاعان.
«ولار بۇدان ءارى قوزعالۋعا بولمايتىنىن, ويتكەنى تاۋدان تاستار قۇلاپ, جولدى جاۋىپ قالعانىن ايتتى», دەدى تۋريستەردىڭ ءبىرى.
ىلە-الاتاۋ ۇلتتىق پاركىنىڭ وكىلدەرى بۇعان دەيىن وڭىردە نوسەر جاڭبىر جاۋعانىن, ناتيجەسىندە جولعا تاستار قۇلاعانىن ايتتى.
«تۇرگەن شاتقالىنىڭ 20-شاقىرىمىندا دا جاعداي وسىنداي: جول توسەمى بۇزىلىپ, قورشاۋى سىنعان. جول ۋچاسكەسى «جول-قۇرىلىس باسقارماسى 13» بالانسىندا. بىراق قازىرگى ۋاقىتتا ولاردىڭ تاراپىنان ەشقانداي تازارتۋ شارالارى جۇرگىزىلمەدى», دەدى قورىقتىڭ ءباسپاسوز قىزمەتىندەگىلەر.