ءۇش مەملەكەتتىك قىزمەتكەر پاۆلودارداعى كوشەلەردىڭ اتاۋىن وزگەرتۋ تۋرالى قوعامدىق تىڭداۋلار بولاتى جونىندە قاتە سىلتەمەلەر جاريالاعانى ءۇشىن جازالاندى, دەپ حابارلايدى Egemen.kz pavon.kz سايتىنا سىلتەمە جاساپ.
جاڭا كوشە اتاۋلارىن پاۆلودار, ەكىباستۇز جانە اقسۋ تۇرعىندارىمەن تالقىلاۋ جوسپارلانعان. بەينەكونفەرەنتسيالار 29 ناۋرىزدا ءوتۋى كەرەك ەدى.
قىزمەتكەرلەر پاۆلودار قالاسىنىڭ اكىمدىگى مەن ەكىباستۇز قالاسى ءماسليحاتىنىڭ سايتتارىنان حابارلامالارىن قايتا وڭدەي سالعان. بۇعان اتاۋىن وزگەرتكىسى كەلەتىن كوشەلەر ءتىزىمىن قايتا قاراۋ سەبەپ بولدى.
وبلىس ورتالىعىنىڭ اكىمدىگى تالقىلاۋ 3 ساۋىرگە اۋىستىرىلعانىن حابارلادى. Zoom سىلتەمەلەرى بار حابارلاندىرۋلار اكىمدىكتىڭ سايتىندا تاعى دا پايدا بولدى. بىراق كەيىنىرەك بەلگىلى بولعانداي, سىلتەمەلەر 29 ناۋرىزدا وتكەن كونفەرەنتسياعا الىپ كەلدى.
قالا اكىمشىلىگى قاتە اقپارات جاريالاعانى ءۇشىن جاۋاپتى قىزمەتكەردى جازالايتىندىقتارىن ايتتى. پاۆلودار اكىمشىلىگى ءۇش مەملەكەتتىك قىزمەتكەر تارتىپتىك جاۋاپكەرشىلىككە تارتىلدى دەپ حابارلادى. قوعامدىق تىڭداۋلاردى ۇيىمداستىرۋدا قاتە جىبەرگەنى ءۇشىن جانە ءتيىستى باقىلاۋ جۇرگىزبەگەندىكتەن مادەنيەت جانە تىلدەردى دامىتۋ ءبولىمىنىڭ قىزمەتكەرى, قالا اكىمى اپپاراتىنىڭ ءباسپاسوز قىزمەتى جانە پاۆلودار قالاسى اكىمىنىڭ ورىنباسارى سوگىس تۇرىندە تارتىپتىك جازالار الدى.
– پاۆلودار قالاسى كوشەلەرىنىڭ اتاۋىن وزگەرتۋ بويىنشا قوعامدىق تىڭداۋلار وتكىزۋ تۋرالى حابارلامانى مادەنيەت جانە تىلدەردى دامىتۋ ءبولىمىنىڭ ماماندارى دايىندادى. سودان كەيىن ول جەرگىلىكتى گازەتتەر مەن اكىمدىكتىڭ ءباسپاسوز قىزمەتىنە جەرگىلىكتى رەسمي سايتىندا جاريالاۋ ءۇشىن جىبەرىلدى, – دەپ حابارلادى اكىمدىك.
3 ساۋىردە 30 كوشەنىڭ اتاۋىن وزگەرتۋ تۋرالى تىڭداۋلار ءوتتى. سوڭعى تىزىمدە 23 كوشە قالدى. قالالىق ءماسليحات دەپۋتاتتارى ءبىراۋىزدان اتاۋلاردى وزگەرتۋگە داۋىس بەردى. حالىق قالاۋلىلارى قالا تۇرعىندارىنان كوشە ماڭدايشالارىن اۋىستىرۋعا بيۋدجەت اقشاسى جۇمسالاتىندىعىنا الاڭداماۋدى سۇرايدى: ول بۇرىنعىداي دەمەۋشىلىك قاراجاتپەن جاسالادى.
10 ساۋىردە Zoom-دا پاۆلودار قالاسىنىڭ قالا ماڭىنداعى ەلدى مەكەندەرىندەگى كوشەلەردىڭ اتاۋىن وزگەرتۋ تۋرالى تىڭداۋلار وتەدى.