بيزنەسپەن جۇمىس ء«بىر قاقپانىڭ ويىنى» بولماۋى ءتيىس, دەدى Business Integrity Forum-دا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى ا.شپەكباەۆ.
ونىڭ پىكىرىنشە, كاسىپكەرلەردىڭ ساناسىنىڭ وزگەرۋى دە ماڭىزدى. ىستەردى جۇرگىزۋ كەزىندە پاراساتتىلىق مىزعىماس ستاندارت بولۋى كەرەك.
«كومپلاەنس-قىزمەتتەردى قولدانۋ تاجىريبەسى حالىقارالىق دەڭگەيدەگى كورپوراتيۆتىك سەكتوردا كەڭىنەن دامىعان. وسى تۇرعىدان العاندا, ءبىزدىڭ ەلىمىزدىڭ اۋماعىندا جۇمىس ىستەيتىن ترانسۇلتتىق كومپانيالاردا وسىنداي قىزمەتتەردىڭ بولۋى قۋانتادى. ولاردىڭ قاتارىندا «تەڭىز شەۆرويل», «شەۆرون», «لۋكويل», «شەلل» بار», دەدى ا.شپەكباەۆ.
ونىڭ ايتۋىنشا, اتالعان پروتسەسس ەلدىڭ كۆازيمەملەكەتتىك سەكتورىندا دا جاندانا تۇسۋدە. مىسالى, كومپلاەنس بولىمشەلەرى «سامۇرىق-قازىنا» قورىندا جانە ونىڭ قۇرامىنا كىرەتىن 12 كومپانيادا جۇمىس ىستەيدى. سونىمەن قاتار, كومپلاەنس-قىزمەتتەردى قۇرۋ بويىنشا جۇمىس قازاقستاننىڭ ءىرى جەكە كومپانيالارى تاراپىنان دا قولداۋ تاپتى.