كوركەم گيمناستيكادان بولگاريادا ءوتىپ جاتقان سوفيا كۋبوگى جولىنداعى جارىستا قازاقستان قۇراما كومانداسىنىڭ مۇشەلەرى ءساتتى ونەر كورسەتىپ, بىرنەشە جۇلدەگە قول جەتكىزدى, دەپ حابارلايدى Egemen.kz
ءبىزدىڭ ارۋلار اراسىندا ەلجانا تانيەۆانىڭ شوقتىعى بيىك بولدى. العاشىندا ول تاسپا جاتتىعۋىندا 20,550 ۇپاي جيىپ, التىننان القا تاعىندى. ول ءوزىنىڭ باستى قارسىلاستارى بولگاريالىق تاتيانا ۆولوجانينا مەن يتاليالىق سوفيا مافەزدەن ءبىراز وزىپ كەتتى. كوپ كەشىكپەي ەلجانا مەن تاتيانا شىعىرشىق جاتتىعۋىندا دا باس جۇلدەنى ءوزارا ساراپقا سالدى. بۇل جولى دا قازاق قىزىنىڭ مەرەيى ۇستەم بولدى. بارلىق ەلەمەنتتەردى ويداعىداي ورىنداپ شىققان ول 22.300 ۇپاي جيىپ, جەڭىس تۇعىرىنىڭ ەڭ بيىك ساتىسىنا كوتەرىلدى.
سونداي-اق وسى جارىستا سابينا باقاتوۆانىڭ دا باعى جاندى. ول دوپ جانە ۇرشىقپەن جاسالاتىن جاتتىعۋلار بويىنشا قولا مەدالدى يەلەندى.