باس ءمۇفتي: جەمقورلىقتىڭ زيانى حالىققا تيەدى

قمدب توراعاسى سىبايلاس جەمقورلىققا قارسى ءىس-قيمىل اگەنتتىگى الاڭىندا وتكەن AntikorLive اياسىنداعى سۇحباتتا: «قۇراننىڭ ءمايدا سۇرەسىنىڭ 42-اياتىندا اللا تاعالا: «ولار - وتىرىككە قۇلاق سالۋشى, ارام جەۋشىلەر. پايعامبارىمىز مۇحاممەد (س.ع.س.), ەگەر ولار ساعان كەلسە ارالارىنا ۇكىم بەر نەمەسە ولاردان ءجۇز بۇر. ەگەر ولاردان ءجۇز بۇرساڭ ساعان ەشبىر زيان كەلتىرە المايدى. ال ەگەر ارالارىنا ۇكىم بەرسەڭ, تۋرا ۇكىم بەر. شەكسىز اللا تۋراشىلداردى سۇيەدى» دەگەن. بۇل اياتتى ءتاپسىرشى عالىمدار ارام جەۋشىلەر دەگەندى وزگەنىڭ مال-مۇلكىن يەمدەنۋ, اقىسىن جەۋ دەپ تۇسىندىرگەن. ياعني, ادامدار ءوزىنىڭ مانسابىن, باسقا دا باسىمدىقتارىن پايدالانىپ, وزگەنىڭ مال-دۇنيەسىن ناقاقتان, ارام جولمەن الۋى كۇنا ەكەندىگىن جوعارىداعى ايات ءسىز بەن بىزگە ايتىپ وتىر. ال ەندى پايعامبارىمىزدىڭ حاديسىنە كەلەر بولساق, «لاۋازىمدى قىزمەتتەگى تۇلعاعا بەرىلگەن سىيلىق ارام جولمەن كەلگەن جالاقى» دەگەن ءسوز بار. ياعني بىرەۋدىڭ لاۋازىمىن پايدالانىپ, سوعان سىيلىق بەرىپ, ءوز ماقساتىنا جەتكىزگىسى كەلەتىن ادام جانە سول لاۋازىمىن پايدالانىپ, ادامداردان ارام جولمەن پارا العان ادامنىڭ جاعدايىن پايعامبارىمىز وسىلاي سيپاتتاپ بەرگەن», دەپ ايتىپ ءوتتى.

سوندىقتان باس ءمۇفتي جەمقورلىق ۇلكەن كۇنانىڭ قاتارىنا جاتاتىندىعىن باسا ايتادى.

«جەمقورلىق تەك ءبىر ادامعا عانا ەمەس جالپى حالىققا زيانىن تيگىزەدى. ويتكەنى, جەمقورلىق مەملەكەتتىڭ, ەلدىڭ دامۋىنا كەدەرگى بولادى. سول سەبەپتى بۇل ۇلكەن كۇنا بولىپ سانالادى. جوعارىداعى اياتتاردا دا اللا تاعالا ارام جولمەن دۇنيە تاپپاۋ كەرەكتىگىن ەسكەرتەدى. قازىرگى تاڭدا كوپ ادام «بۇل دۇنيەدە قۇتىلىپ كەتەمىن, ءبارى ۇمىتىلادى» دەپ ويلايتىن شىعار. بىراق, بۇ دۇنيەدە قۇتىلعانمەن ەكى يىقتا 2 پەرىشتە تۇرعانىن, بارلىق امالدى جازىپ وتىرعانىن ەسىمىزدەن شىعارماۋىز كەرەك. سوندا, ينشاللا, مۇنداي كۇناعا بارماي امان بولامىز», دەدى ناۋرىزباي قاجى تاعان ۇلى.