بجزق-عا ۋاكىلەتتى وپەراتورلاردان تۇرعىن ءۇي جاعدايلارىن جاقسارتۋ ماقساتىندا بىرجولعى زەينەتاقى تولەمدەرىن جۇزەگە اسىرۋعا 267 759 ءوتىنىش, ەمدەلۋگە 4 263 ءوتىنىش كەلىپ ءتۇستى, دەپ حابارلايدى Egemen.kz بىرىڭعاي جيناقتاۋشى زەينەتاقى قورىنىڭ ءباسپاسوز قىزمەتىنە سىلتەمە جاساپ.
ينۆەستيتسيالىق پورتفەلدى باسقارۋشىلارعا اۋدارۋعا 1 062 ءوتىنىش كەلىپ ءتۇستى.⠀وتىنىمدەردىڭ قابىلدانباۋىنىڭ سەبەپتەرى:1. سومالار دۇرىس كورسەتىلمەگەن, ونىڭ ىشىندە زەينەتاقى جيناقتارىنىڭ سوماسى ارتىق كورسەتىلگەن.2. جەكە تابىس سالىعىن (جتس) تولەۋ ءتاسىلىن تاڭداۋ كەزىندە الۋعا سۇرانىس جاسالاتىن سومالار دۇرىس كورسەتىلمەگەن.3. سالىمشىلار الۋعا بولاتىن سوما شەگىندە ەمەس, زەينەتاقى جيناقتارىنىڭ بۇكىل سوماسىن كورسەتتى.4. وتىنىمدە وزەكتى ەمەس سومالار كورسەتىلگەن, ياعني سالىمشىلار ينۆەستيتسيالىق تابىستىڭ نارىقتىق اۋىتقۋىنا بايلانىستى زەينەتاقى جيناقتارى سوماسىنداعى وزگەرىستەردى ەسكەرمەگەن.5. «بجزق» اق دەرەكتەر بازاسىندا جەكە زەينەتاقى شوتتارى جانە تيىسىنشە زەينەتاقى جيناقتارى جوق تۇلعالاردان دا وتىنىمدەر تۇسكەن.6. سالىمشىلار قايتالايتىن وتىنىمدەر بەرگەن.