مەملەكەت باسشىسى «سامۇرىق-قازىنا» ۇلتتىق ءال-اۋقات قورى» اق باسقارما توراعاسى الماسادام ساتقاليەۆتى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قاسىم-جومارت توقاەۆقا قوردىڭ جۇمىسى جايىندا ەسەپ بەرىلدى. سونداي-اق ءىرى ينفراقۇرىلىمدىق جوبالاردى ىسكە اسىرۋعا, «سامۇرىق-قازىنا» كومپانيالار توبىنىڭ الەۋمەتتىك ورنىقتىلىعىن جانە قارجىلىق تۇراقتىلىعىن قامتاماسىز ەتۋگە قاتىستى پرەزيدەنتتىڭ بۇعان دەيىن بەرگەن تاپسىرمالارىنىڭ ورىندالۋ بارىسى تۋرالى باياندالدى.
الماسادام ساتقاليەۆ مەملەكەت باسشىسىنا «جاسىل ەكونوميكانى» دامىتۋعا بايلانىستى سالىناتىن جاڭا قۇرىلىس نىساندارىنىڭ جوسپارى, قور اكتيۆتەرىن جەكەشەلەندىرۋ ماسەلەسى جونىندە ايتتى.
كەزدەسۋ سوڭىندا پرەزيدەنت «سامۇرىق-قازىنا» قورىنىڭ ستراتەگيالىق دامۋىنا قاتىستى بىرقاتار ناقتى تاپسىرما بەردى.