بىرىڭعاي جيناقتاۋشى زەينەتاقى قورى سالىمشىلارىنىڭ زەينەتاقى جيناقتارىنىڭ سوماسى 2021 جىلعى 1 ناۋرىزداعى جاعداي بويىنشا 12,6 تريلليون تەڭگەدەن استى, دەپ حابارلايدى Egemen.kz.
2021 جىلعى 1 قاڭتاردان 1 ناۋرىزعا دەيىنگى ەكى ايدىڭ ىشىندە عانا بجزق سالىمشىلارىنىڭ شوتتارىنا 217,9 ملرد تەڭگە مولشەرىندە تازا ينۆەستيتسيالىق تابىس ەسەپتەلدى, بۇل وتكەن 2020 جىلدىڭ سايكەس كەزەڭىمەن سالىستىرعاندا 78 ملرد تەڭگەگە (نەمەسە 56% - عا) ارتىق.
جىل باسىنان بەرى تابىستىلىق 1,3% ينفلياتسيا كەزىندە 1,7% قۇرادى. بۇل رەتتە وتكەن 2020 جىلدىڭ وسى كەزەڭىندە 1,3% ينفلياتسيا كەزىندەگى كىرىستىلىك 1,3% بولعان.
2021 جىلعى 1 ناۋرىزداعى جاعداي بويىنشا 7,4% ينفلياتسيا كەزىندە كىرىستىلىك 11,4% قۇرادى. ال وتكەن جىلدىڭ سايكەس كەزەڭىندە, 2020 جىلدىڭ 1 ناۋرىزىنا قاراي 6,0% ينفلياتسيا كەزىندە كىرىستىلىك 7,8% بولعان ەدى.
سالىمشىلاردىڭ (الۋشىلاردىڭ) زەينەتاقى جيناقتارىنىڭ سوماسى زەينەتاقى اكتيۆتەرىن ينۆەستيتسيالاۋ ناتيجەلەرىنە سايكەس كۇن سايىن قايتا ەسەپتەلەدى جانە قايتا باعالانادى.
جالپى العاندا, بارلىق زەينەتاقى اكتيۆتەرى بجزق-عا بىرىكتىرىلگەن ساتتەن باستاپ ۇلتتىق بانك قامتاماسىز ەتكەن ينۆەستيتسيالىق تابىس شامامەن 4,9 ترلن تەڭگەگە جەتتى. 2021 جىلدىڭ 1 ناۋرىزىنا زەينەتاقى جيناقتارىنىڭ جالپى كولەمىندەگى تازا ينۆەستيتسيالىق تابىستىڭ ۇلەسى 35,1% قۇرادى
ەگەر قازاقستاننىڭ جيناقتاۋشى زەينەتاقى جۇيەسى قۇرىلعان 1998 جىلدان بەرگى كەزەڭدى الىپ قاراساق, تازا ينۆەستيتسيالىق تابىس شامامەن 5,8 ترلن تەڭگە بولدى. وسى ۋاقىت ىشىندە ينۆەستيتسيالىق كىرىستىلىك ءوسۋ قورىتىندىسىمەن 614,8% قۇرادى. ال ينفلياتسيا 504,4% بولدى. وسىلايشا 2021 جىلعى 1 ناۋرىزداعى جاعداي بويىنشا زەينەتاقى اكتيۆتەرىنىڭ ناقتى تابىستىلىعى 110,4%.
ايتا كەتۋ كەرەك, زەينەتاقى جيناقتارى – بۇل ۇزاق مەرزىمدى ينۆەستيتسيالار جانە ينۆەستيتسيالىق تابىستىڭ مولشەرىن كەمىندە 1 ء(بىر) جىل كەزەڭىندە تالداعان ورىندى. قىسقا مەرزىمدى دەرەكتەر (كۇندەلىكتى, اي سايىنعى جانە ت.ب.) كورسەتكىش بولىپ تابىلمايدى, ويتكەنى, ولار كۇندەلىكتى نارىقتىق جاعدايعا بايلانىستى.
ينۆەستيتسيالىق باسقارۋ مەن زەينەتاقى اكتيۆتەرىن ەسەپكە الۋدىڭ بارلىق جۇيەسى اشىق: ءاربىر سالىمشى ءوزىنىڭ ينۆەستيتسيالىق تابىسىن enpf.kz سايتىنداعى جەكە كابينەتتەن نەمەسە ۇيالى قوسىمشانىڭ كومەگىمەن باقىلاي الادى. بجزق-نىڭ زەينەتاقى اكتيۆتەرىن ينۆەستيتسيالىق باسقارۋ جانە زەينەتاقى اكتيۆتەرى ورنالاستىرىلعان قارجى قۇرالدارى تۋرالى اقپارات قوردىڭ رەسمي سايتىنداعى (www.enpf.kz) «كورسەتكىشتەر/ينۆەستيتسيالىق قىزمەت» بولىمىندە جاريالانىپ وتىرادى.