كەنتاۋدا مال ۇرلىعىمەن اينالىسقان قىلمىستىق توپ ۇستالدى

كەنتاۋ قالاسىنىڭ پوليتسياسىنا جاقىن ماڭداعى اۋىلداردىڭ تۇرعىندارى مال ۇرلىعىنىڭ قۇربانى بولعانى بويىنشا ارىزدانادى. جابىرلەنۋشىلەردىڭ ءبىرىنىڭ ايتۋىنشا, بەلگىسىز ادامدار جايىلىمنان ونىڭ بەس باس سيىرىن ۇرلاپ كەتكەن, ال باسقا اۋىل تۇرعىنى بولسا, جىلقىسىنىڭ ۇرلانعانىن جەتكىزگەن. اتالعان جايتتاردى پوليتسيا قىزمەتكەرلەرى سدتبت-عا “مال ۇرلىعى” بابى بويىنشا تىركەدى, ەكى جاعدايدا كەلتىرىلگەن شىعىن شامامەن ەكى ميلليون تەڭگەنى قۇرادى. جەدەل-ىزدەستىرۋ ءىس-شارالارىنىڭ ناتيجەسىندە تۇركىستان وبلىسى پد كريمينالدىق پوليتسيا قىزمەتكەرلەرى كەنتاۋ قپب-نىڭ قىزمەتكەرلەرىمەن بىرلەسە وتىرىپ, ءتورت كۇدىكتىنى ۇستادى. ولار تۇركىستان جانە كەنتاۋ قالالارىنىڭ تۇرعىندارى بولىپ شىقتى. كۇدىكتىنىڭ بىرەۋى بۇرىن مال ۇرلاعانى ءۇشىن سوتتى بولعان. بەلگىلى بولعانداي, جاس جىگىتتەر كوبىنەسە قاراۋسىز قالدىرىلعان مالداردى ەركىن جايىلىمداردان نەمەسە شارۋاشىلىق اۋلالارىنان ۇرلاپ كەتكەن. سودان كەيىن ۇرىلار, ۇرلانعان مالدى “گازەل” اۆتوكولىگىنە تيەپ, قىلمىس ورنىنان جاسىرىنىپ وتىرعان. ۇرلانعان مالداردى تولەبي اۋدانى اۋماعىندا ساتىپ, اقشاسىن ءوز قاجەتتىلىكتەرىنە جۇمساعان.

بۇگىنگى تاڭدا تەرگەۋ كۇدىكتىلەردىڭ مال ۇرلىعىنىڭ بەس جايتىنا قاتىسى بار ەكەنىن انىقتادى, ولاردىڭ تورتەۋى 2019 جىلى جاسالسا, ءبىر دەرەك 2021 ورىن العان. جالپى كۇدىكتىلەر اۋىل تۇرعىندارىنان 16 باس ءىرى قارا مەن ءبىر جىلقىنى جىمقىرعان. كەلتىرىلگەن شىعىننىڭ جالپى كولەمى التى ميلليون تەڭگەدەن استى. پوليتسيا ۇرلانعان جىلقىنى تاركىلەپ الىپ, زاڭدى يەسىنە قايتارىپ بەردى. تەرگەۋ جالعاسۋدا. وقيعانىڭ ءمان-جايى جانە كۇدىكتىلەردىڭ باسقا دا وسىعان ۇقساس مال ۇرلىعىنا قاتىسى بار-جوعى انىقتالۋدا.

مال ۇرلىعىن بولدىرماۋ ءۇشىن تۇركىستان وبلىسىنىڭ پوليتسەيلەرى ازاماتتارعا ءتورت-ت ۇلىكتى جايىلىمداردا جانە قورا-جايلارىندا قاراۋسىز قالدىرماۋعا كەڭەس بەرەدى. مالدى ەركىن جايۋ ءۇشىن باقتاشى جالداۋ كەرەك, ال اۋلالار مەن قورالاردى سەنىمدى قورشاۋمەن نىعايتۋ قاجەت. سونداي-اق, مالدى تاڭبالاۋدى ۇمىتپاڭىزدار. ەگەر, سىزدە, مال جوعالسا نەمەسە ۇرلىقتىڭ قۇربانى بولساڭىز, تەز ارادا پوليتسيانىڭ “102” نومىرىنە حابارلاسىڭىزدار.