جۋىقتا التاي تاۋ سىلەمدەرىنە ورناتىلعان فوتوتۇزاقتىڭ وبەكتيۆىنە قار بارىسى ءىلىندى. سۇلۋ جانۋار بۇعان دەيىن سۋرەتكە 2014 جىلدىڭ قاڭتارىندا تۇسكەن ەدى, دەپ حابارلايدى Egemen.kz
فوتوتۇزاقتى بىلتىر قاراشادا ورمانشى جومارت امانباەۆ, ينسپەكتورلار ماناربەك وماروۆ جانە مۇرات اراباەۆتار ارشاتى ورمانشىلىعىنىڭ اۋماعىنداعى 2300 مەتر بيىكتىكتەگى بارىس جۇرەدى-اۋ دەگەن تۇسقا ورناتقان ەدى. ەڭبەكتەرى ناتيجەلى. كوزگە كورىنە بەرمەيتىن قار بارىسى كامەرانىڭ ءدال الدىنان وتكەن.
– فوتوتۇزاق ارقىلى ءىلبىستىڭ التاي تاۋ سىلەمدەرىندەگى تىرشىلىگىن زەرتتەۋگە بولادى. الداعى ۋاقىتتا بۇدان دا ءساتتى كادرلار تۇسەدى دەپ ويلايمىز, – دەيدى كاتونقاراعاي ۇلتتىق پاركىنىڭ عىلىم, ەكولوگيالىق مونيتورينگ جانە اقپارات ءبولىمىنىڭ باسشىسى ءاليا عابدۋلينا.
بىلە بىلسەك, سانى ازايىپ بارا جاتقان قار بارىسى قازاقستاننىڭ قىزىل كىتابىنا ەنگەن.