2021 جىلعى 1 ناۋرىزداعى جاعداي بويىنشا 128,8 مىڭ وتباسىنداعى 649 مىڭ ادامعا اتاۋلى الەۋمەتتىك كومەك تاعايىندالدى. بۇل ماقساتقا بيۋدجەتتەن 122,8 ملرد تەڭگە ءبولىندى, دەپ حابارلايدى ەڭبەك مينيسترلىگىنىڭ ءباسپاسوز قىزمەتى.
ااك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-ىنان تومەن ازاماتتارعا تاعايىندالادى.
بۇدان باسقا, ااك كورسەتۋدىڭ جاڭا تەتىگىن ىسكە اسىرۋ شەڭبەرىندە ەلىمىزدىڭ بارلىق وڭىرىندە تابىسى از وتباسىلاردىڭ مەكتەپ جاسىنا دەيىنگى بالالارىن كەپىلدىك بەرىلگەن الەۋمەتتىك توپتامامەن (بۇدان ءارى – الەۋمەتتىك توپتاما) قامتاماسىز ەتۋ بويىنشا جۇمىس جۇرگىزىلۋدە.
2021 جىلعى 1 ناۋرىزعا ااك الۋشىلار قاتارىنداعى 1 جاستان 6 جاسقا دەيىنگى 154,3 مىڭ بالا ازىق-ت ۇلىك جانە تۇرمىستىق حيميا جيىنتىعى تۇرىندە الەۋمەتتىك توپتاما تاعايىندالدى.
ەستەرىڭىزگە سالا كەتەيىك, 106,4 مىڭ وتباسىنداعى 524,3 مىڭنان استام قازاقستاندىققا 2021 جىلعى I توقساندا اتاۋلى الەۋمەتتىك كومەك تاعايىنداۋ مەملەكەتتىك ينستانتسياعا جۇگىنبەي-اق اۆتوماتتى تۇردە ۇزارتىلدى.
ااك الۋشىلارعا بۇدان بۇرىن, 2020 جىلعى II,III جانە IV توقساندا تج رەجيمى مەن كارانتيندىك شەكتەۋ شارالارىنىڭ قولدانىلۋىنا بايلانىستى كومەك تاعايىنداۋعا ءوتىنىش ۇزارتىلدى.