وزبەكستان رەسپۋبليكاسى قازاقستاننان تاسىمالداناتىن قۇس جانە مال شارۋاشىلىعى ونىمدەرىن كىرگىزۋگە تىيىم سالعان ۋاقىتشا شەكتەۋلەردى الىپ تاستادى, دەپ حابارلايدى Egemen.kz قر اشم رەسمي سايتىنا سىلتەمە جاساپ.
وزبەكستان رەسپۋبليكاسىنىڭ ۆەتەريناريا جانە مال شارۋاشىلىعىن دامىتۋ مەملەكەتتىك كوميتەتى 2021 جىلدىڭ 19 ناۋرىزىنان باستاپ ءتىرى قۇستاردى (ونىڭ ىشىندە ساندىك قۇستاردى), ينكۋباتسيالىق جۇمىرتقانى, مامىق پەن قاۋىرسىندى, قۇس ەتىن, جۇمىرتقانى جانە قۇس شارۋاشىلىعى ءونىمىنىڭ باسقا دا تۇرلەرىن, سونداي-اق قازاقستان رەسپۋبليكاسىنان قۇستاردى كۇتىپ-باعۋعا, سويۋعا ارنالعان جابدىقتاردى وزبەكستان رەسپۋبليكاسىنىڭ اۋماعىنا كىرگىزۋگە جانە تاسىمالداۋعا ەنگىزىلگەن ۋاقىتشا شەكتەۋلەردى الىپ تاستادى.
سونداي-اق, ءتىرى مالدى (ونىڭ ىشىندە جابايى, تسيرك جانە حايۋاناتتار باعى جانۋارلارىن), شيكى ەت پەن ەت ونىمدەرىن, جىلۋمەن وڭدەلمەگەن ءسۇت جانە ءسۇت ونىمدەرىن, گەنەتيكالىق ماتەريالداردى, ءجۇندى, شاشتى, قىلدى, تروفەيلەردى, ىشەك شيكىزاتىن, تەرى مەن بىلعارىنى, شىمكەنت قالاسى مەن اقمولا وبلىسىنان مالعا ازىق بەرەتىن (سۋ, جەم, ءشوپ بەرەتىن استاۋلار) جانە مالدى سويۋعا ارنالعان جابدىقتاردى كىرگىزۋگە, تاسىمالداۋعا تىيىم سالىنعان ۋاقىتشا شەكتەۋلەر الىنىپ تاستالدى.