قىزىلوردادا ەكى كۇننەن بەرى حابارسىز كەتكەن ءۇش ءجاسوسپىرىم قىزدىڭ ەكەۋى الماتى قالاسىنان تابىلدى, دەپ حابارلايدى Egemen.kz.
ەستەرىڭىزگە سالا كەتەيىك, 25 ناۋرىز قىزىلوردا قالاسىنداعى «اتامەكەن» بالالار اۋىلىندا تاربيەلەنىپ جۇرگەن 15-16 جاستاعى ءۇش ءجاسوسپىرىم قىز جوعالىپ كەتكەن. سودان بەرى ولاردى ىزدەۋ جۇرگىزىلدى.
ىزدەۋ شارالارىنا ەرىكتىلەر دە قوسىلدى. وعان بەلسەندى ازاماتتار مەن جاناشىر ەرىكتىلەر تارتىلدى.
«وسىنداي جۇمىستاردىڭ ناتيجەسىندە قىزداردىڭ ەكەۋى 27 ناۋرىزدا كەشكى ۋاقىتتا الماتى قالاسىندا جۇرگەنى انىقتالدى. قازىر قىزدار الماتى قالاسىنداعى بالالار ۇيىنە جەتكىزىلدى. ءۇشىنشى كامەلەتكە تولماعان بويجەتكەن ءالى ىزدەستىرىلىپ جاتىر», دەپ مالىمدەدى قىزىلوردا وبلىستىق پوليتسيا دەپارتامەنتى.