اتىراۋدا مونيتورينگتىك توپ ءبىر كۇندە بىرنەشە مەيرامحانانىڭ كارانتين تالابىن بۇزعانىن انىقتادى, دەپ حابارلايدى Egemen.kz.
وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا, 26 ناۋرىزدا مونيتورينگتىك توپتىڭ مۇشەلەرى اتىراۋ قالاسىنداعى مەيرامحانالارعا رەيد جۇرگىزگەن. رەيد كەزىندە قالاعا تاياۋ ورنالاسقان ەلدى مەكەندەردەگى مەيرامحانالار دا قامتىلعان.
«ماسەلەن, تۇنگى ساعات 22:00-دەن كەيىن «Chechil Pub», «Vokzal», «پينتا» مەيرامحانالارىندا 50-دەن استام ادام بولعان. ەركىن قالا اۋىلىنداعى ء«شارىپ», جۇمىسكەر ەلدى مەكەنىندەگى «اتىراۋ حولل» مەيرامحانالارىندا, سونداي-اق, المالى اۋىلىنداعى ۇيلەردىڭ بىرىندە توي ءوتىپ جاتقانى انىقتالدى» دەپ حابارلادى دەپارتامەنتتىڭ ءباسپاسوز قىزمەتىنەن.
انىقتالعان دەرەكتەرگە قاتىستى جيناقتالعان ءىس-قۇجاتتار اتىراۋ قالالىق سانيتاريالىق-ەپيدەميولوگيالىق باسقارماسىنا جولداندى.