اتىراۋدا كوروناۆيرۋس جۇقتىرىپ, جاعدايى اۋىرلاعان 13 ناۋقاس جانساقتاۋ بولىمىندە جاتىر, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى قايسار ابداليەۆتىڭ ايتۋىنشا, 27 ناۋرىزداعى مالىمەتكە سايكەس, ينفەكتسيالىق ستاتسيونارلاردا ەم قابىلداپ جاتقان ناۋقاستاردىڭ سانى 464-كە جەتكەن. وسىلايشا, وڭىردەگى ينفەكتسيالىق ستاتسيونارلاردىڭ جۇكتەمەسى 24%-دى قۇرايدى.
«اتىراۋ قالاسىنداعى №2 وبلىستىق اۋرۋحانادا 8, مودۋلدىك ستاتسيوناردا 123, تەڭىز كەن ورنىنداعى ينفەكتسيالىق ستاتسيوناردا 309 ناۋقاس ەمدەلىپ جاتىر. سونداي-اق, جىلىوي اۋداندىق اۋرۋحاناسىندا – 4, يندەر اۋداندىق اۋرۋحاناسىندا – 7, يساتاي اۋداندىق اۋرۋحاناسىندا – 1, قۇرمانعازى اۋداندىق اۋرۋحاناسىندا – 3, قىزىلقوعا اۋداندىق اۋرۋحاناسىندا – 4, ماحامبەت اۋداندىق اۋرۋحاناسىندا 5 ناۋقاس ەمدەلۋدە» دەيدى قايسار ابداليەۆ.
ونىڭ مالىمەتىنە سۇيەنسەك, سovid-19 دياگنوزىمەن جانساقتاۋ بولىمىندە 13 ناۋقاس تۇسكەن. ونىڭ ىشىندە 10 ناۋقاس اۋىر حالدە, ءۇش ناۋقاس وتە اۋىر حالدە جاتىر. ال, ەكى پاتسيەنت وكپەنى جاساندى جەلدەتۋ اپپاراتىنا قوسىلعان. اتىراۋ وبلىسىندا 430 توسەكتىك رەزەرۆتىك ينفەكتسيالىق ستاتسيونار دايىندالعان.