ورال قالاسىندا كوپقاباتتى ۇيدە ءورت شىعىپ, 25 ادام ەۆاكۋاتسيالاندى, دەپ حابارلايدى Egemen.kz.
بقو تج دەپارتامەنتىنىڭ ءباسپاسوز قىزمەتى ءمالىم ەتكەنىندەي, 27 ناۋرىز كۇنى ساعات 23.28-دە ل.ميرزويان كوشەسى 2/1 مەكەنجايى بويىنشا كوپقاباتتى ۇيدە ءورت شىققانى جونىندە حابار ءتۇستى.
بەلگىلى بولعانداي, 5-قاباتتاعى 89-پاتەردى ءتىلسىز جاۋ جالماپ, جەكە زاتتارى مەن جيھاز جانىپ كەتكەن. ابىروي بولعاندا, زارداپ شەككەندەر جوق.
ءورت سوندىرۋشىلەر 45 مينۋتتاي وتپەن ارپالىسقان. ناتيجەسىندە «قىزىل جالىن» 00.15-تە اۋىزدىقتالدى.
قازىرگى كەزدە ءورتتىڭ شىعۋ سەبەبى, كەلتىرىلگەن شىعىن انىقتالۋ ۇستىندە.