«قازگيدرومەت» رمك-سى ناۋرىزدىڭ 28-ءى كۇنگى اۋا رايى بولجامىن جاريالادى, دەپ حابارلايدى Egemen.kz.
ءEلدىڭ باسىم بولىگىندە جاۋىن-شاشىن (جاڭبىر, قار) جاۋادى. وڭتۇستىك جانە وڭتۇستىك-شىعىس اۋدانداردا جاڭبىر, كەي جەرلەردە نوسەر جاڭبىر جاۋادى.
رەسپۋبليكانىڭ كەي جەرلەرىندە تۇمان ءتۇسىپ, كوكتايعاق بولادى, جەل كۇشەيىپ, سولتۇستىكتە, سولتۇستىك-باتىستا, شىعىس پەن ورتالىقتا – جاياۋ بۇرقاسىن بولادى.
تۇركىستان وبلىسىنىڭ كەي جەرلەرىنە نايزاعاي تۇسەدى, جەل سەكۋندىنا 15-20 مەتر جىلدامدىقپەن سوعىپ, ەكپىنى 23 م/س بولادى.
قوستاناي, قاراعاندى وبلىستارىنىڭ كەي جەرلەرىندە تۇمان ءتۇسىپ, كوكتايعاق, قاتتى بۇرقاسىن بولادى, جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى.
اقمولا وبلىسىنىڭ كەي جەرلەرىندە تۇمان ءتۇسىپ, كوكتايعاق بولادى, تۇندە جانە تاڭەرتەڭ جەل سوعىپ, جاياۋ بۇرقاسىننىڭ كۇشىمەن جىلدامدىعى سەكۋندىنا 15-20 مەترگە جەتەدى.
سولتۇستىك قازاقستان, پاۆلودار وبلىستارىنىڭ كەي جەرلەرىنە تۇمان ءتۇسىپ, جاياۋ بۇرقاسىن بولادى, كۇندىز جەلدىڭ جىلدامدىعى سەكۋندىنا 15-20 مەترگە جەتەدى.
سولتۇستىك قازاقستان وبلىسىنىڭ كەي جەرلەرىندە كوكتايعاق بولادى.
الماتى, جامبىل وبلىستارىنىڭ كەي جەرلەرىندە نايزاعاي ويناپ, تۇمان تۇسەدى, جەل 15-20 م/س جىلدامدىقپەن سوعادى.
شىعىس قازاقستان وبلىسىنىڭ كەي جەرلەرىنە تۇمان ءتۇسىپ, كوكتايعاق, تۇندە جاياۋ بۇرقاسىن بولادى.
قىزىلوردا وبلىسىنىڭ كەي جەرلەرىنە تۇمان ءتۇسىپ, تاڭەرتەڭ جانە كۇندىز جەل 15-20 م/س جىلدامدىقپەن سوعادى.
كۇندىز ماڭعىستاۋ وبلىسىنىڭ كەي جەرلەرىندە جەلدىڭ كۇشى سەكۋندىنا 15-20 مەترگە جەتەدى.
باتىس قازاقستان, اقتوبە وبلىستارىنىڭ كەي جەرلەرىندە تۇمان ءتۇسىپ, كوكتايعاق بولادى.
اتىراۋ وبلىسىنىڭ كەي جەرلەرىندە كوكتايعاق بولادى.