اقوردا «جەر ساعاتى» اكتسياسىنا قوسىلدى. بۇل تۋرالى بۇگىن پرەزيدەنتتىڭ ءباسپاسوز حاتشىسى بەرىك ءۋالي ءوزىنىڭ Facebook پاراقشاسىندا جازدى, دەپ حابارلايدى Egemen.kz
«بۇگىن, ياعني, 27 ناۋرىز كۇنى «جەر ساعاتى» جاھاندىق اكتسياسى اياسىندا الەمنىڭ مىڭداعان قالاسىندا جارىق وشىرىلەدى. بۇل اكتسيانىڭ ماقساتى – ادامداردى جەر بەتىندەگى رەسۋرستارعا جاناشىرلىق تانىتۋعا شاقىرۋ. وسى يگى شارانى قولداۋ ماقساتىندا نۇر-سۇلتان قالاسىنىڭ ۋاقىتى بويىنشا ساعات 20:30-دان 21:30-عا دەيىن ەلىمىزدەگى بىرقاتار ءىرى نىساننىڭ, سونىڭ ىشىندە پرەزيدەنتتىڭ «اقوردا» رەزيدەنتسياسىنىڭ سىرتقى جارىق شامدارى سوندىرىلەدى. #EarthHour», دەلىنگەن حابارلامادا.
وسىعان دەيىن قازاقپارات «جەر ساعاتى» اۋقىمدى ەكولوگيالىق اكتسياسى وتەتىنىن حابارلاعان بولاتىن.