«نۇرلى جەر» باعدارلاماسى جۇزەگە اسىرىلا باستاعان 4 جىلدىڭ ىشىندە وڭىردە 2 ميلليون شارشى مەتردەن استام تۇرعىن ءۇي سالىندى, 17 مىڭنان استام وتباسى باسپانا ماسەلەسىن شەشتى, دەپ حابارلايدى Egemen.kz قازاقپاراتقا سىلتەمە جاساپ.
اقمولا وبلىستىق قۇرىلىس باسقارماسىنىڭ دەرەگى بويىنشا, وتكەن جىلى وبلىستا 574 مىڭ شارشى مەتر تۇرعىن ءۇي پايدالانۋعا بەرىلىپ, جىلدىق جوسپار 7,4 پايىزعا اسىرا ورىندالدى. بىلتىرعى جىلدىڭ قورىتىندىسى بويىنشا سالىنعان تۇرعىن ءۇي سانىنىڭ حالىقتىڭ جالپى سانىنا قاتىناسى بويىنشا رەسپۋبليكانىڭ سولتۇستىك جانە ورتالىق وڭىرلەرى اراسىندا كوش باستاپ تۇر. ياعني, 737 مىڭ تۇرعىنعا شاققاندا 600 مىڭ شارشى مەتر تۇرعىن ءۇيدى قۇرايدى.
«اقمولا وبلىسىندا تۇرعىن ءۇي قۇرىلىسى باعدارلاماسى بارلىق باعىتتار بويىنشا جۇرگىزىلەدى: ساتىپ الۋسىز جالعا بەرىلەتىن تۇرعىن ءۇي قۇرىلىسى, نەسيەلىك تۇرعىن ءۇي قۇرىلىسى, جەكە تۇرعىن ءۇي قۇرىلىسىن دامىتۋ, جەكە قۇرىلىس سالۋشىلاردى تۇرعىن ءۇي قۇرىلىسىنا ىنتالاندىرۋ, كۆازيمەملەكەتتىك سەكتور سۋبەكتىلەرىن تارتا وتىرىپ, تۇرعىن ءۇي قۇرىلىسى. «نۇرلى جەر» اياسىندا «7-20-25», «شاڭىراق» جانە «باقىتتى وتباسى» باعدارلامالارى جۇزەگە اسىرىلۋدا», دەپ اتاپ ءوتتى وبلىستىق ۆەدومستۆودان.
حالىقتىڭ بىرنەشە ساناتىن قامتيتىن باعىتتاردىڭ ءبىرى – ساتىپ الۋ قۇقىعىنسىز جالعا بەرىلەتىن تۇرعىن ءۇي سالۋ بولىپ وتىر. جالعا بەرىلەتىن جىلجىمايتىن م ۇلىك كوپ بالالى وتباسىلارعا, تولىق ەمەس وتباسىلارعا, مۇگەدەك بالالاردى تاربيەلەپ وتىرعان وتباسىلارعا, اكىمدىكتەردە كەزەكتە تۇرعاندارعا جانە جۇمىس ىستەيتىن جاستارعا ارنالعان.
وتكەن جىلى وسى باعىت بويىنشا 12 كوپپاتەرلى تۇرعىن ءۇي نەمەسە 537 پاتەر سالىندى, ونىڭ 186-ى تسەلينوگراد اۋدانى اتباسار, ستەپنوگور, ماكينسك, ەسىل, ستەپنياك قالالارىنان, قوسشى اۋىلىنان كوپبالالى وتباسىلارعا بەرىلدى.
2021 جىلى وبلىستا باعدارلامانىڭ بارلىق باعىتتارى بويىنشا 600 مىڭ شارشى مەتردەن استام تۇرعىن ءۇي سالىنادى.