قازاقستان پرەزيدەنتى بەلگىلى مەملەكەت جانە قوعام قايراتكەرى ۆلاديمير شەپەلدىڭ دۇنيەدەن وزۋىنا بايلانىستى ونىڭ تۋىستارى مەن جاقىندارىنا كوڭىل ايتىپ, جەدەلحات جولدادى, دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.
«ۆلاديمير شەپەل ۇلكەن كاسىبي جولدان ءوتىپ, جاۋاپتى قىزمەت اتقارعان جىلدارى لايىقتى قۇرمەتكە يە بولدى. ول ءوز ءومىرىن قازاقستان حالقىنىڭ يگىلىگى جولىندا قىزمەت ەتۋگە ارنادى. ونىڭ ەڭبەگى مەملەكەتتىك ناگرادالارمەن جانە مەدالدارمەن ءوز باعاسىن الدى. ۆلاديمير نيكولاەۆيچتىڭ ەسىمى تۋىستارى مەن جاقىندارىنىڭ, ارىپتەستەرى مەن دوستارىنىڭ جۇرەگىندە ماڭگى ساقتالادى», دەلىنگەن كوڭىل ايتۋ جەدەلحاتىندا.