قازاقستاننىڭ وكىلى ۆەناداعى يادرولىق سىناقتارعا تولىق تىيىم سالۋ تۋرالى شارت ۇيىمىنىڭ (ياسجتشۇ) باسقارۋ ورگاندارىنىڭ ءبىرىنىڭ باسشىسى بولىپ سايلاندى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
قازاقستاننىڭ ۇلتتىق يادرولىق ورتالىعىنىڭ باس ديرەكتورى ەرلان باتىربەكوۆ 2021-2024 جىلدار ارالىعىندا ياسجتشۇ «ب» جۇمىس توبىنىڭ توراعاسى بولدى.
قازاقستاننىڭ جەڭىسى كۇردەلى باسەكەلەستىكتىڭ ناتيجەسى بولىپ, ونىڭ بارىسىندا نورۆەگيا مەن پاراگۆايدىڭ وكىلدەرى قارۋسىزدانۋ جانە جاپپاي قىرىپ-جوياتىن قارۋدى تاراتپاۋ ماسەلەسىندە ەلىمىزدىڭ سىڭىرگەن ەڭبەگى مەن دايەكتى ساياساتىن مويىنداپ, ءوز كانديداتۋرالارىن الىپ تاستادى. بۇل ۇستانىم ەلىمىزگە الەمدە يادرولىق جارىلىستار جۇرگىزۋ جونىندەگى ينسپەكتسيالىق قىزمەتتى رەتتەۋگە مۇمكىندىك بەرەدى. بارلىعى ياسجتشۇ حالىقارالىق باقىلاۋ جۇيەسىنە الەمنىڭ 185 ەلىنەن 302 ستانتسيا كىرەدى.