اتىراۋ وبلىسىنىڭ باس سانيتار دارىگەرى مادەنيەت تاناۋوۆتىڭ جاڭا قاۋلىسىمەن كارانتيندىك شەكتەۋ شارالارى كۇشەيتىلەتىن بولدى, دەپ حابارلايدى Egemen.kz.
«اتىراۋ وبلىسىنىڭ اۋماعىندا ەپيدەميولوگيالىق جاعداي تۇراقتالعانعا دەيىن شارۋاشىلىق جانە (نەمەسە) وزگە دە قىزمەتپەن جانە حالىقتىڭ تىنىس-تىرشىلىگىنىڭ ەرەكشە جاعدايلارىمەن شەكتەۋ شارالارى ەنگىزىلسىن. شەكتەۋ ءىس-شارالارىنىڭ رەجيمى مەن مەرزىمدەرى وبلىس اۋماعىندا COVID-19 كوروناۆيرۋستىق ينفەكتسياسىنىڭ تارالۋى بويىنشا احۋالدىڭ وزگەرۋىنە سايكەس قايتا قارالۋى مۇمكىن»دەلىنگەن قاۋلىدا.
قاۋلىعا سايكەس, كوپشىلىك ءىس-شارالاردى (مەرەكەلىك, ويىن-ساۋىق, كوپشىلىك مادەني, سپورتتىق, ءبىلىم بەرۋ ءىس-شارالاردى, كورمەلەردى, كورپوراتيۆتى, فورۋمداردى, كونفەرەنتسيالاردى, سونداي-اق وتباسىلىق, ەستەلىك ءىس-شارالاردى (بانكەتتەر, ۇيلەنۋ تويلارى, مەرەيتويلار, ەسكە الۋ جانە ت. ب.), ونىڭ ىشىندە ۇيدە جانە جاپپاي ادامدار جينالاتىن وزگە دە ءىس-شارالاردى وتكىزۋگە, بارلىق ويىن-ساۋىق وبەكتىلەرىنىڭ, بانكەت زالدارىنىڭ, جابىق ورىنجايداعى بالالار ويىن الاندارى مەن اتتراكتسيونداردىڭ (اۋلاداعىلاردى قوسپاعاندا), باتۋتتاردىڭ, تۇنگى كلۋبتاردىڭ, كاراوكە, كومپيۋتەرلىك جانە ويىن كلۋبتارىنىڭ, كاليان, بيليارد, بوۋلينگتەردىڭ, بۋكمەكەرلىك كەڭسەلەردىڭ, مەرەكەلەردى ۇيىمداستىرۋ بويىنشا قىزمەت كورسەتۋدىڭ, مەنشىك نىسانىنا قاراماستان مەكتەپكە دەيىنگى بالالار مەكەمەلەرىنىڭ (كەزەكشى توپتاردى قوسپاعاندا), مادەني نىسانداردىڭ, جەكە, توپتىق دايىندىقتاردى قوسا العاندا كينوتەاترلاردىڭ, تەاترلاردىڭ, كونتسەرت زالدارىنىڭ قىزمەتىنە تىيىم سالىنىپ وتىر.
جاڭا قاۋلى الداعى دۇيسەنبى, 29 ناۋرىزدا ساعات 00:00-دەن باستاپ زاڭدى كۇشىنە ەنەدى.