بۇگىن قالا اكىمى ب.ساعىنتاەۆتىڭ توراعالىعىمەن قر دەنساۋلىق ساقتاۋ ءمينيسترى ا. تسويدىڭ قاتىسۋىمەن وتكەن القالى جيىندا مەگاپوليستىڭ COVID-19-عا قارسى ءىس-قيمىلدىڭ جۇيەلى ماسەلەلەرى, سونداي-اق بيىلعى جىلعى 17 ناۋرىزدا وتكەن كەڭەس بارىسىندا مەملەكەت باسشىسىنىڭ بەرگەن تاپسىرمالارىنىڭ ورىندالۋ بارىسى قاراستىرىلدى. بۇل بويىنشا ناقتى جوسپارلار قابىلداندى.
كەڭەستى اشقان باقىتجان ساعىنتاەۆ كۆي پاندەمياسىمەن كۇرەس اياسىندا قالانىڭ دەنساۋلىق ساقتاۋ جۇيەسىن كۇشەيتۋ بويىنشا شارالار قابىلدانعانىن اتاپ ءوتتى. جاڭعىرتۋدىڭ ءۇش جىلدىق جوسپارىنا سايكەس مەديتسينالىق جابدىقتاردى جاڭارتۋ, ينفەكتسيالىق ستاتسيونارلارعا مەديتسينالىق گاز ورناتۋ, سارقىندى سۋدى زارارسىزداندىرۋ مەن مەديتسينالىق قالدىقتاردى كادەگە جاراتۋ سىندى كەشەندى جۇمىستار جۇرگىزىلۋدە.
سونداي-اق, شاھار باسشىسى وتكەن جىلى كۆي بار ناۋقاستاردى انىقتاۋ جانە ولاردى اۋرۋحاناعا جاتقىزۋ بويىنشا الگوريتمنىڭ ازىرلەنىپ, ەنگىزىلگەنىن, امسك جانە امبۋلاتوريالىق ەمدەۋدە اسيمپتوماتيكالىق ناۋقاستاردى باقىلاۋ بويىنشا تەلەمەديتسينا ورتالىعىنىڭ جۇمىسى قۇرىلعانىن اتاپ ءوتتى. ينفەكتسيالىق توسەك-ورىنداردىڭ قاجەتتى رەزەرۆى قۇرىلدى. ءدارىحانا جەلىسى مەن كوۆيدتىك گوسپيتالدار ءۇشىن دارىلىك تۇراقتاندىرۋ قورى جۇمىس ىستەيدى.
ب. ساعىنتاەۆتىڭ ايتۋىنشا, قابىلدانىپ جاتقان شارالار جاعدايدى باسقارۋعا, قالانىڭ دەنساۋلىق ساقتاۋ جۇيەسىنە تۇسەتىن جۇكتەمەنىڭ شامادان تىس بولۋىنا جول بەرمەۋگە جانە ستاتسيونارلارعا جۇكتەمەنى ەشەلونداۋ قاعيداتى بويىنشا بولۋگە مۇمكىندىك بەرەدى.
مەملەكەت باسشىسى العا قويعان مىندەتتەردى ورىنداۋ ماقساتىندا مساك جۇمىسىن كۇشەيتۋ, انا مەن بالانى قورعاۋ, ونكولوگيالىق اۋرۋلار مەن قان اينالىمى جۇيەسى اۋرۋلارى كەسىرىنەن بولاتىن ءولىم-ءجىتىمدى ازايتۋ بويىنشا شارالار قابىلدانۋدا. سونىمەن قاتار, قالا اكىمى ب. ساعىنتاەۆتىڭ تاپسىرماسى بويىنشا كورسەتىلەتىن مەديتسينالىق كومەكتىڭ ساپاسىن ارتتىرۋ جانە مەديتسينا قىزمەتكەرلەرىنىڭ كادر تاپشىلىعىن شەشۋ بويىنشا جول كارتاسى ازىرلەندى.
الماتى قالاسى اكىمىنىڭ ورىنباسارى ەرجان باباقۇماروۆ رەزەرۆتىك توسەك-ورىنداردى كوۆيدتەرگە جوسپارلى تۇردە اۋىستىرۋ الگوريتمى قۇرىلعانىن ايتتى. 7011 توسەك-ورىن, 28 كوۆيدتىك كلينيكا جانە 250 رەانيماتسيالىق كلينيكا دايىندالدى. بۇگىندە 5000 ينفەكتسيالىق جانە 220 رەانيماتسيالىق توسەك-ورىن جۇمىس ىستەۋدە. رۆ-90 قالالىق جۇقپالى اۋرۋلار اۋرۋحاناسىنىڭ فيليالى پايدالانۋعا بەرىلدى. جالپى قۋاتى 1080 ورىندى ەكى جاڭا مودۋلدىك كلينيكا سالىندى. مۇنداي توسەك-ورىن قورى تاۋلىگىنە 500-گە دەيىن ناۋقاستى اۋرۋحاناعا قابىلداي الادى. قالانىڭ بارلىق مەديتسينالىق ۇيىمدارىندا ءۇي-جايلاردى ايماقتارعا ءبولۋ جۇرگىزىلدى. بۇل اۋرۋحاناىشىلىك ينفەكتسيانى بولدىرمايدى.
پاندەميامەن كۇرەستىڭ ماڭىزدى قۇرامداس بولىگى شۇعىل كومەكتى قاجەت ەتپەيتىن قالا تۇرعىندارىنا قاشىقتان كەڭەس بەرۋ ارقىلى كومەك كورسەتۋ ءۇشىن قۇرىلعان تەلەمەديتسينا ورتالىعىنىڭ جۇمىسىن ايتۋعا بولادى. بۇگىندە سيمپتومسىز جانە جەڭىل كۆي بەلگىسى بار 2,5 مىڭعا جۋىق ادامعا وپەراتورلار تاۋلىك بويى كەڭەس بەرۋمەن جانە مەديتسينالىق قولداۋمەن قامتىلعان. پاتسيەنتتەردى امبۋلاتوريالىق باقىلاۋ بويىنشا قالالىق ەمحانالاردىڭ ءموبيلدى بريگادالارىنىڭ جۇمىسى جولعا قويىلدى. قالا بويىنشا 768 توپ جۇمىلدىرىلدى. كادرلىق رەزەرۆ قالىپتاستى. جۇقپالى اۋرۋلار ستاتسيونارلارىندا 2000-عا جۋىق مەديتسينا قىزمەتكەرى جۇمىس ىستەيدى. رەزەرۆتە – 2758 مەديتسينا قىزمەتكەرى بار
الماتىدا كلينيكالاردى مەديتسينالىق وتتەگىمەن قامتاماسىز ەتۋدىڭ جالپىقالالىق باعدارلاماسى قابىلداندى. ماقساتى – قالانىڭ 16 ەمحاناسىن وتتەگىمەن 100% جابدىقتاۋ. 2020 جىلى 6 كلينيكا وتتەگىمەن تولىق جابدىقتالسا, بيىل تاعى 10 كلينيكادا وتتەگى ستانسالارى بولادى.
دەنساۋلىق ساقتاۋ ءمينيسترى الەكسەي تسوي الماتىدا دەنساۋلىق ساقتاۋ قىزمەتىن دامىتۋ جانە COVID-19-عا قارسى كۇرەس مودەلى ەلىمىزدىڭ باسقا وڭىرلەرىنە تارالاتىنىن اتاپ ءوتتى. مىسالى, مەديتسينالىق كومەك كورسەتۋ ستاندارتتارىن ساقتاي وتىرىپ, توسەكتەردىڭ اينالىمىن جانە بوساتىلۋىن قامتاماسىز ەتۋگە مۇمكىندىك بەرەتىن ستاتسيونارلاردى ەشەلونداۋ; اۋرۋدىڭ جەڭىل اعىمى بار اسيمپتوماتيكالىق جانە ناۋقاستاردى باقىلاۋعا مۇمكىندىك بەرەتىن تەلەمەديتسينا ورتالىعىنىڭ جۇمىسى. مۇنداي ورتالىق باسقا وڭىرلەردە جوق.
سونىمەن قاتار, مينيستر سوڭعى جىلى جەدەل جاردەم اۆتوپاركىن 70%-عا جاڭارتۋ, سونداي-اق سوڭعى 20 جىلدا الماتىنىڭ مەديتسينالىق مەكەمەلەرىندە بولماعان وتتەگى ستانسالارىن قوسۋ جونىندەگى جۇمىستىڭ ماڭىزدىلىعىن اتاپ ءوتتى. سونىمەن قاتار, ا. تسوي ءساۋىر ايىندا كۆي-عا قارسى ۆاكتسينا دوزالارىنىڭ جاڭا پارتياسى جەتكىزىلەتىنىن حابارلادى.
سونداي-اق جيىندا دەنساۋلىق ساقتاۋ ۆيتسە-ءمينيسترى ا. عينيات, قر دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ توراعاسى ا.ەسماعامبەتوۆا, قالانىڭ باس مەملەكەتتىك سانيتارلىق دارىگەرى, الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى ج. بەكشين, الماتى قالاسى قوعامدىق دەنساۋلىق باسقارماسىنىڭ باسشىسى ن. تابىنباەۆ, تەلەمەديتسينا ورتالىعىنىڭ باسشىسى ل. مىرزاعالي, الماتى قالاسى جمجس ديرەكتورىنىڭ م. ا. پ. نادىروۆ ءسوز سويلەدى.
جيىن قورىتىندىسى بويىنشا قر دەنساۋلىق ساقتاۋ ءمينيسترى ا. تسوي COVID-19-عا قارسى كۇرەس جونىندەگى جۇمىستى ودان ءارى جالعاستىرۋ ماسەلەلەرى بويىنشا بىرقاتار تاپسىرمالار بەردى.