Apple كومپانياسىنىڭ نەگىزىن قالاۋشى ستيۆ دجوبستىڭ جۇمىسقا تۇرۋ ءۇشىن جازىلعان انكەتاسى Charterfields اۋكتسيونىندا 162 مىڭ فۋنتقا (شامامەن $222 مىڭ) ساتىلىپ كەتتى, دەپ حابارلايدى Egemen.kz rosbalt.ru سايتىنا سىلتەمە جاساپ.
اۋكتسيون ۇيىمداستىرعان كومپانيانىڭ سايتىنداعى دەرەككە سەنسەك, تۇيىندەمەنى دجوبس 1973 جىلى ءوزى تولتىرعان.
بۇل ونىڭ كوللەدجدەگى وقۋىن تاستاپ, Atari كومپانياسىنا تەحنيكالىق مامان رەتىندە جۇمىسقا ورنالاسقان كەزى بولسا كەرەك. ءدال وسى Atari-دە دجوبس ستيۆ ۆوزنياكپەن تانىسىپ, ارادا ءۇش جىل وتكەن سوڭ, 1976 جىلى Apple كومپانياسىنىڭ نەگىزىن قالادى.
ايتا كەتەيىك, اۋكتسيون 24 اقپان مەن 24 ناۋرىز ارالىعىندا ءوتتى.