ادىلدىك, پاراساتتىلىق قاعيداتتارى جانە دالا دانىشپانى, قازاق حاندىعىنىڭ كورنەكتى ساياسي قايراتكەرى قازىبەك ءبيدىڭ دانا سوزدەرى سىبايلاس جەمقورلىققا قارسى ءىس-قيمىل اگەنتتىگىنىڭ كەزەكتى «ادالدىق ساعاتىنا» ارقاۋ بولدى.
قاز داۋىستى قازىبەك بي – قازاق حالقىنىڭ XVII – XVIII عاسىرلارداعى ۇلى ءۇش ءبيىنىڭ ءبىرى, كورنەكتى قوعام جانە مەملەكەت قايراتكەرى, قازاقستان تاريحىندا وزىندىك ورنى بار تۇلعا.قازىبەك ءبيدىڭ ءومىرى جانكەشتى ىستەر مەن باتىل شەشىمدەرگە تولى بولدى.
ول رەفورماتور, شەشەن, ديپلومات-بىتىمگەر.
«پاراقورلىق پەن ادىلەتسىزدىكتى – قازاقتىڭ تۇبىنە جەتەتىن اۋىر دەرت. ونى تەك تازا نيەت پەن ادال ىستەرمەن جەڭۋگە بولادى», دەدى ول.
قازىبەك بي ءۇشىن ادامگەرشىلىك ەڭ جوعارعى ادامي قۇندىلىق رەتىندە ءبىرىنشى ورىندا تۇردى. مىسالى «وركەنىم ءوسسىن دەسەڭ, كەكشىل بولما – كەساپاتى تيەر ەلىڭە. ەلىم ءوسسىن دەسەڭ, ءورشىل بولما – وسكەنىڭدى وشىرەرسىڭ», «اشۋ – دۇشپان, اقىل – دوس, اقىلىڭا اقىل قوس» دەپ ايتىپ, ءار قابىلدانار شەشىم مەن ءىستىڭ تەك ءبىر ادامنىڭ عانا ەمەس, تۇتاستاي ەلدىڭ تاعدىرىنا اسەر ەتەتىنىن جەتكىزگەن.
قازىبەك بي ءبىر وق اتپاي, ارتىق قانتوگىسسىز ەڭ كۇردەلى ماسەلەلەردى شەشە العان.ەڭ مىقتى حاندار مەن قاسارىسقان جاۋلار دا ونىڭ سوزىنە قۇلاق اسقان, ويتكەنى قازىبەك بي ولاردى ءسوزى مەن دانالىعىمەن تاڭ قالدىرعان. ولاردى جۇرەكتەرىنە جەتكىزىپ ايتا بىلگەن.
ول سونداي-اق بىتىراڭقى قازاق رۋلارىن بىرىكتىرىپ, بەيبىتشىلىك پەن كەلىسىمگە شاقىردى. وزىنەن كەيىن حالقى ءومىر سۇرگەن ءادىل زاڭدار قالدىردى. تاپقىرلىق, شەشەندىك, شىنشىلدىق – ادالدىق ساباعىندا قوزعالعان قازىبەك ءبيدىڭ ءۇش قاسيەتى.