ۇلىستىڭ ۇلى كۇنىن جارما اۋدانىنىڭ حالقى ەرەكشە تويلادى. كونتسەرتتىك باعدارلامالارمەن قاتار, قازاقتىڭ سالت-جورالعىلارىنان تەاترلانعان كورىنىس قويىلدى, كۇيمەگە مىنگەن قىدىر اتا اۋىلدى ارالاپ, حالىققا سىيلىق تاراتتى, دەپ حابارلايدى Egemen.kz.
«ۇرپاق ازباسىن, ءداستۇر توزباسىن» تاقىرىبى اياسىندا وتكىزىلگەن ءتۇرلى سايىستاردا جەڭىمپاز بولعان اۋىلدىق وكرۋگتەردىڭ بەلسەندى قاتىسۋشىلارى سالتاناتتى تۇردە ماراپاتتالدى.
بۇل كۇنى اۋدان باسشىلىعى حالىققا ناۋرىز كوجە ۇلەستىردى. اۋدان ورتالىعىندا قىدىر اتا, ناۋرىز ارۋى اق كۇيمەمەن اۋىل كوشەلەرىن ارالاپ, تۇرعىنداردى قۇتتىقتاسا, ەسەككە مىنگەن ەرتەگى كەيىپكەرلەرى كوپشىلىككە مەرەكەلىك كوڭىل-كۇي سىيلادى. البەتتە, ەلدەگى ەپيدەميالىق احۋالعا بايلانىستى سانيتارلىق تالاپتار قاتاڭ ساقتالدى.