رەسەيدىڭ كالۋگا قالاسىنداعى اەرودرومدا تۋ-22م3 ۇشاعىنىڭ كاتاپۋلت جۇيەسى كەنەت ىسكە قوسىلۋى سالدارىنان ەكيپاجدىڭ ءۇش مۇشەسى قازا تاپتى, دەپ حابارلايدى Egemen.kz تاسس اگەنتتىگىنە سىلتەمە جاساپ.
23 ناۋرىزدا جەردەگى تۋ-22م3 ۇشاعىن جوسپارلى ۇشۋعا دايىنداۋ بارىسىندا قوزعالتقىشتى ىسكە قوسۋ كەزىندە كاتاپۋلت جۇيەسى شتاتتان تىس ىسكە قوسىلعان.
«وتە بيىك بولماعاندىقتان پاراشيۋت تولىق اشىلماي ەكيپاجدىڭ ءۇش مۇشەسى قونۋ كەزىندە اۋىر جاراقات العان. ولاردىڭ اراسىندا ينسترۋكتور ورنىندا وتىرعان پولك كومانديرى دە بار», دەدى قورعانىس مينيسترلىگىنەن.
ۆەدومستۆو ءۇش اسكەري قىزمەتكەردىڭ قازا بولعانىن راستادى. وقيعانىڭ بارلىق ءمان-جايىن انىقتاۋ ءۇشىن اەرودرومعا رەسەيدىڭ اۋە-عارىش كۇشتەرىنىڭ كوميسسياسى جىبەرىلدى.
تۋ-22م – قاشىققا زىمىران الىپ ۇشاتىن بومبالاۋشى ۇشاقتار توبى, ولار قاناتىنىڭ گەومەترياسىن وزگەرتە الادى.