الماتى حقو-لارىندا ازاماتتىق قوعام مەملەكەتتىك قىزمەتتەر كورسەتۋ ساپاسىن باقىلاۋعا تارتىلماق, دەپ حابارلايدى ەgemen.kz
قوعامدىق قابىلداۋ – حالىقپەن تىكەلەي ءوزارا ءىس-قيمىل جانە ديالوگ فورماتى. «ازاماتتارعا ارنالعان ۇكىمەت» مەملەكەتتىك كورپوراتسياسى كە اق الماتى قالاسى بويىنشا فيليالىنىڭ فرونت-وفيستەرىندە ازاماتتىق قوعام وكىلدەرىنىڭ قاتىسۋىمەن, قوعامدىق قابىلداۋ ۇيىمداستىرىلا باستادى. ءىس-شارالار مەملەكەت باسشىسىنىڭ «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ جونىندەگى تاپسىرماسىن ورىنداۋ شەڭبەرىندە جۇرگىزىلۋدە. ماقساتى - قالا تۇرعىندارىنىڭ مەملەكەتتىك قىزمەتتەردى الۋ, سىبايلاس جەمقورلىقتىڭ الدىن الۋ, تاۋەكەل ماسەلەلەرىن انىقتاۋ.
ءىس-شارا اپتا سايىن فيليال باسشىلىعىنىڭ, قر مەملەكەتتىك قىزمەت ىستەرى اگەنتتىگى دەپارتامەنتى ماماندارىنىڭ جانە قوعامدىق ۇيىمدار وكىلدەرىنىڭ قاتىسۋىمەن فرونت-وفيستەردە وتكىزىلۋدە. وعان ءار ءتۇرلى تاقىرىپتىق جانە سالالىق باعىتتاعى بىلىكتى ماماندار توبى قاتىسۋدا.
الماتى قالاسىنىڭ اۋەزوۆ, مەدەۋ اۋداندىق حقو-لارىندا وتكىزىلگەن قابىلداۋعا 100-گە جۋىق قىزمەت الۋشىلار جۇگىندى. سۇراقتار ءار ءتۇرلى بولدى, ولاردىڭ كەيبىرەۋلەرى ۋاكىلەتتى ورگانداردىڭ قۇزىرەتىنە جاتپايدى. دەگەنمەن, بارلىق كەلۋشىلەر كومەكپەن, سونىڭ ىشىندە زاڭدى كومەكپەن قامتاماسىز ەتىلدى.
ء«تۇسىندىرۋ جۇمىستارىنان باسقا, قىزمەت الۋ سەرۆيسىن جاقسارتۋ ماقساتىندا حالىقتىڭ شاعىمدارى مەن ۇسىنىستارى تىڭدالدى. ايتا كەتۋ كەرەك, ء«بىر تەرەزە «قاعيداتى بويىنشا مەملەكەتتىك قىزمەتتەردىڭ بىرىڭعاي پروۆايدەرى «ازاماتتارعا ارنالعان ۇكىمەت» كەاق بولىپ تابىلادى. شىن مانىندە, حقو ماماندارى ءتيىستى ۋاكىلەتتى ورگانداردىڭ ودان ءارى وڭدەۋى ءۇشىن قۇجاتتار پاكەتىن قابىلداۋمەن اينالىسادى. قوعامدىق قابىلداۋ ارقىلى ازاماتتاردىڭ بارلىق سىندارلى ءوتىنىش-تىلەكتەرىن جەدەل ءارى ءتيىمدى قاراستىرىپ, ۋاكىلەتتى ورگاندارعا جەتكىزۋگە مۇمكىندىك تۋادى», دەپ اتاپ ءوتتى «ازاماتتارعا ارنالعان ۇكىمەت» مك الماتى قالاسى فيليالىنىڭ ديرەكتورى دانيار قىرىقباەۆ.
قوعامدىق قابىلداۋعا «جاستارعا جول» قب باسشىسى, قر سىبايلاس جەمقورلىققا قارسى ءىس - قيمىل اگەنتتىگى جانىنداعى رەسپۋبليكالىق مونيتورينگتىك قىزمەت باسشىسىنىڭ ورىنباسارى رافاەل گاسانوۆ, «پودرانكي» - «شاراسىزدار» قوعامدىق بىرلەستىگىنىڭ ءتورايىمى عاليا توباتاەۆا, قر مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىنىڭ ۆەدومستۆوارالىق جۇمىس توبىنىڭ مۇشەسى اناتولي ميگاي جانە ت. ب. قاتىستى
«قوعامدىق ديالوگ, اشىقتىق, ادامداردىڭ قاجەتتىلىكتەرىنە جەدەل دەن قويۋ مەملەكەتتىك ورگاندار قىزمەتىندەگى باستى باسىمدىق بولىپ تابىلادى» – دەگەن بولاتىن مەملەكەت باسشىسى قاسىم-جومارت توقاەۆ قازاقستان حالقىنا ارناعان جولداۋىندا.
«مەملەكەت باسشىسىنىڭ «حالىق ۇنىنە قۇلاق اساتىن مەملەكەت» قاعيداتىن ىسكە اسىرۋ جونىندەگى تاپسىرماسىن ورىنداۋ اياسىندا ءبىز ازاماتتىق قوعامدى مەملەكەتتىك قىزمەت كورسەتۋ ساپاسىن باقىلاۋعا تارتۋدامىز. ءىس-شارانى وتكىزۋدىڭ ماقساتى - مەملەكەتتىك ورگانداردىڭ اشىقتىعىن قامتاماسىز ەتۋ», دەپ اتاپ ءوتتى قر مەملەكەتتىك قىزمەت ىستەرى جونىندەگى اگەنتتىگىنىڭ قالالىق دەپارتامەنتىنىڭ وكىلى ماقسات جاڭبىرشيەۆ.
ءيا, مەملەكەت باسشىسىنىڭ ء«بىز ءوز قىزمەتىمىزدە, ەڭ الدىمەن, قاراپايىم ازاماتتاردىڭ سۇرانىسى مەن مۇڭ-مۇقتاجىن باسشىلىققا الۋىمىز كەرەك. حالىقتان جوعارى جانە حالىقتان بيىك تۇرعان ەشكىم دە, ەشتەڭە دە جوق», دەگەن ءسوزىن ءاربىر مەكەمە باسشىلىققا الىپ جاتسا, قوعامنىڭ دا جاڭارارى ءسوزسىز.
ەستەرىڭىزگە سالا كەتەيىك, مۇنداي قوعامدىق قابىلداۋدى قالانىڭ بارلىق فرونت-وفيستەرىندە (حقو) اپتا سايىن وتكىزۋ جوسپارلانعان.