اتىراۋ وبلىسىنىڭ قۇرمانعازى اۋدانىنا جاڭا اكىم تاعايىندالدى

اۋداندىق ءماسليحاتتىڭ دەپۋتاتتارى جاڭا اكىمنىڭ كانديداتۋراسىنا قولداۋ ءبىلدىردى.

مارات بيسەنعالي ۇلى 1981 جىلى اقتوبە قالاسىندا دۇنيەگە كەلگەن. ءبىلىمى جوعارى, 2003 جىلى قازاق گۋمانيتارلىق زاڭ ۋنيۆەرسيتەتىن ۇزدىك بىتىرگەن. ەڭبەك جولىن 2003 جىلى اتىراۋ قالاسىندا تابيعات قورعاۋ پروكۋرورىنىڭ كومەكشىسى بولىپ باستادى.2006-2008 جىلدارى جەكە كاسىپورىنداردى باسقاردى. 2009-2010 جىلدارى باتىس قازاقستان وبلىسى, شىڭعىرلاۋ اۋدانى اكىمىنىڭ كەڭەسشىسى, 2010-2011 جىلدارى ءبىلىم بەرۋ باسقارماسىنىڭ ءبولىم باسشىسى بولىپ جۇمىس ىستەدى.

ال 2011-2012 جىلدارى اتىراۋ وبلىسى اكىمىنىڭ اپپاراتى مەملەكەتتىك-قۇقىقتىق ءبولىمىنىڭ مەڭگەرۋشىسى, 2012-2013 جىلدارى اتىراۋ وبلىسى اكىمى اپپاراتى باسشىسىنىڭ ورىنباسارى, 2013-2017 جىلدارى اتىراۋ وبلىستىق تەكسەرۋ كوميسسياسىنىڭ توراعاسى بولعان.2017 جىلدىڭ ناۋرىزىنان وسى تاعايىنداۋعا دەيىن يساتاي اۋدانىنىڭ اكىمى قىزمەتىن اتقاردى.