ەلىمىزدەگى مەكتەپتەر «تسيفرلى بۋحگالتەريا مەن قارجى» جۇيەسىن ەنگىزىپ جاتىر. بۇل – ءبىلىم وردالارىنداعى بيۋدجەتتى پايدالانۋدىڭ اشىقتىعىن قامتاماسىز ەتۋگە باعىتتالعان جۇمىس.
جۇيە سىبايلاس جەمقورلىق تاۋەكەلدەرىن الدىن الۋعا جانە كوپشىلىك ءۇشىن ءبىلىم سالاسىنداعى قارجىلاندىرۋدىڭ اشىقتىعىن ارتتىرۋعا جاعداي جاسايدى. قازىردىڭ وزىندە نۇر-سۇلتان مەن پاۆلودار قالالارىنداعى مەكتەپتەر «تسيفرلى بۋحگالتەريا مەن قارجى» جۇيەسىن پايدالانىپ كەلەدى, ناتيجەسىندە قازىنادان بولىنەتىن بىرنەشە ملرد تەڭگە ۇنەمدەلگەن.
ءبىلىم بەرۋ وردالارىندا جۇمىس ىستەيتىن بۋحگالتەرلەردىڭ ايتۋىنشا, جاڭا فورماتتاعى جۇمىس قارجىنى جوسپارلاۋ, باسقارۋ جانە پايدالانۋ پروتسەسىن جەڭىلدەتىپ, تيىمدىلىگىن ارتتىرعان. «بۇلتتى باعدارلامانىڭ ىشىنە بارلىعى كىرەدى. تاريفيكاتسيا, ەسەپ باعدارلاماسى, مەملەكەتتىك ساتىپ الۋ – ءبارى ءبىر جەردە. ال, بۇرىنعى باعدارلامادا ءبارىن جەكە ساتىپ الاتىنبىز. جۇيەدە جۇمىس جاساعان وتە ىڭعايلى», دەدى نۇر-سۇلتان قالاسىنداعى №90 گيمنازياسىنىڭ باس ەسەپشىسى نۇرگۇل ورازبەكوۆا.