مينيسترلىك تۇركىستان وبلىسىنداعى ەلەكتر ەنەرگياسىنا قاتىستى تۇسىنىك بەردى

2021 جىلعى 16 ناۋرىزدا ساعات 21:46-دا «KEGOC» اق-نىڭ «گپپ-1 –قىزىلوردا» 220 كۆ ل-2019 جانە «قاراتاۋ – وپورنايا» ءاج-220كۆ ل-2089 اۋە جەلىلەرى اجىراتىلدى. وسىنىڭ ناتيجەسىندە قىزىلوردا جانە تۇركىستان وبلىستارى ەلەكتر قۋاتىنسىز قالدى. «قىزىلورداجىلۋەلەكترورتالىعى» مكك ەلەكتر ستانتسياسىنىڭ گەنەراتسياسى 62-دەن 0 مۆت-قا دەيىن تومەندەدى. ساعات 00:27-دە «قىزىلورداجىلۋەلەكترورتالىعى» مكك ەلەكتر ستانتسياسىندا گتۋ-3, ساعات 02:27-دە گتۋ-1, ساعات 03:33-تە گتۋ-2, ساعات 04: 16-دا تگ-3 ىسكە قوسىلدى. ەلەكتر ستانتسياسىنىڭ رەجيمى قالپىنا كەلتىرىلدى.

ساعات 21:52-دە 220 كۆ ل-2019, ل-2089 اۋە جەلىلەرى قوسىلدى. شەكتەۋلەر الىپ تاستالدى. ساعات 22:47-دە 220 كۆ ل-2089 «قاراتاۋ-وپورنايا» اۋە جەلىسى قايتا ءسونىپ قالدى. «قاراتاۋ-وپورنايا» 220 كۆ ل-2089 اۋە جەلىسىن قاراۋ كەزىندە №439 انكەرلىك تىرەگىندە (قاراتاۋ كس-نان 77 كم) «ۆ» فازاسى سىمىنىڭ ءۇزىلۋى انىقتالدى. «KEGOC» اق-نىڭ اۆاريالىق بريگاداسى قالپىنا كەلتىرۋ جۇمىستارىن باستادى.

17 ناۋرىزدا ساعات 09:49-دا سىمنىڭ زاقىمدانۋى جويىلعاننان كەيىن 220 كۆ ل-2089 «قاراتاۋ-وپورنايا» اۋە جەلىسى ىسكە قوسىلدى. بۇعان دەيىن, 2021 جىلعى 13 ناۋرىزدا دۇلەي تابيعي قۇبىلىستاردىڭ (مۇزدى جاڭبىر, قاتتى ەكپىندى جەل 28-30 م/س, ەلەكتر بەرۋ جەلىلەرى سىمدارىنىڭ مۇزدانۋى) اسەرىنەن 220 كۆ ل-2439 «كەنتاۋ – گنپس» جانە ل-2319 «شىمكەنت – ميرگاليمساي» اۋە جەلىلەرى اجىراعان بولاتىن. ناتيجەسىندە, بۇگىنگى كۇنى قىزىلوردا جانە تۇركىستان وبلىستارىن تابيعي اپات سالدارىنان ب ۇلىنگەن ەلەكتر جەلىلەرىن قالپىنا كەلتىرگەنگە دەيىن ەلەكترمەن جابدىقتاۋ سەنىمدىلىگى تومەندەدى.

ەنەرگەتيكا مينيسترلىگىنىڭ اتومدىق جانە ەنەرگەتيكالىق قاداعالاۋ مەن باقىلاۋ كوميتەتى تۇركىستان وبلىسىنىڭ اكىمدىگىمەن بىرلەسىپ, تۇركىستان وبلىسىنىڭ تۇتىنۋشىلارىن ەلەكترمەن جابدىقتاۋعا جانە «KEGOC» اق جانە ەنەرگيا بەرۋشى ۇيىمدار جەلىلەرىندەگى قالپىنا كەلتىرۋ جۇمىستارىنا مونيتورينگتى جۇزەگە اسىرۋدا.