اقمولا وبلىسىندا ەكى جۇكتى ايەل ىندەتتەن قايتىس بولدى

«وكىنىشكە قاراي, وڭىردە انا ءولىمى بار. بۇگىنگى كۇنى-ەكى انا ءولىمى كوروناۆيرۋسپەن بايلانىستى, قازىر انا ءولىمىنىڭ تاعى ءبىر جاعدايى №2 موب-دا تەرگەلۋدە. ەگەر وتكەن جىلى پاندەمياعا قاراماستان بىزدە انا ءولىمىنىڭ ءۇش جاعدايى عانا بولسا, بيىل تولىق ەمەس ءۇش ايدا ەكى جاعداي تىركەلدى, بۇعان قوسا تاعى بىرەۋى تەكسەرىلىپ جاتىر», دەدى ن. سىزدىقوۆ. وتكەن جىلدىڭ 12 ايىندا اقمولا وبلىسىندا انا ءولىمىنىڭ ءۇش جاعدايى تىركەلدى: ەكى جاعداي – كوكشەتاۋ قالاسىنىڭ №1 ەمحاناسىندا, ءبىر جاعداي – «اۆيتسەننا-بۋراباي» جشس-دە. ولاردىڭ ىشىندە ەكى جاعداي COVID-19 جانە ءبىر جاعداي اكۋشەرلىك پاتولوگيامەن – ەكلامپسيامەن بايلانىستى بولدى», دەيدى اقمولا وبلىسى دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى ناريمان سىزدىقوۆ.

2019 جىلى ايماقتا انا ءولىمىنىڭ ەكى جاعدايى بولعان. ونىڭ بىرەۋى ەكستراگەنيتالدى اۋرۋدان, ەكىنشىسى اكۋشەرلىك پاتولوگيادان – بوسانعاننان كەيىنگى قان كەتۋدەن.

باسقارما باسشىسىنىڭ ايتۋىنشا, وڭىردە 2020 جىلى كوروناۆيرۋس جۇقتىرعان 201 جۇكتى دەنساۋلىعىندا اقاۋلىق بار جۇكتى ايەلدەرگە كۇندەلىكتى مونيتورينگ جانە بوسانعانعا دەيىن ولاردىڭ باعىتىن باقىلاۋ جۇرگىزىلەدى.

«قازىرگى ۋاقىتتا جۇكتى ايەلدەر تىركەلىمىنىڭ دەرەكتەرى بويىنشا اۋىر ەكستراگەنيتالدى اۋرۋلارى جانە جۇكتىلىككە قارسى كورسەتىلىمدەرى بار 23 جۇكتى ايەل ەسەپتە تۇر. جاسوسپىرىمدەر اراسىنداعى جۇكتىلىكتىڭ جيىلىگى 3,5 قۇرايدى (14 731 ءجاسوسپىرىم قىزعا 51 جاعداي). «انا ءولىمىنىڭ نەگىزگى سەبەبى جاڭا بەلگىسىز ينفەكتسيامەن – CوVID-19, مەديتسينالىق كومەكتى ۇيىمداستىرۋ تاراپىنان كەمشىلىكتەرمەن بايلانىستى: ستاتسيونار دەڭگەيىندەگى جاعدايدى جەتە باعالاماۋ, باستاپقى كەزەڭدە ءالسىز ۇيىمداستىرۋشىلىق, پاندەمياعا بايلانىستى مەديتسينالىق كومەككە قولجەتىمدىلىكتىڭ تومەندەۋى», دەپ تولىقتىردى باسقارما باسشىسى.