بۇگىن قر سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالالىق دەپارتامەنتىندە پاندەميا جاعدايىندا مەملەكەتتىك ورگانداردىڭ جۇمىسىنا قوعامدىق مونيتورينگ جۇرگىزۋ تۋرالى ءباسپاسوز كونفەرەنتسياسى ءوتتى.
قر سىبايلاس جەمقورلىققا قارسى قىزمەتى جانىنداعى رەسپۋبليكالىق ارنايى مونيتورينگتىك توپ توراعاسىنىڭ ورىنباسارى - رافاەل گاسانوۆ ءوز سوزىندە ەپيدەميالىق جاعداي بويىنشا الماتىنىڭ «قىزىل ايماققا» وتكەنىن ەسكەرە وتىرىپ, مونيتورينگتىك توپتار جۇمىسىنىڭ ماڭىزدىلىعىن اتاپ ءوتتى.
11 جانە 14 ناۋرىز كۇندەرى الماتىدا مونيتورينگتىك توپتار 1500 نىساندى تەكسەرىپ, كارانتين رەجيمىن بۇزۋدىڭ 180 وقيعاسىن انىقتادى. زاڭدى تۇلعالار مەن جەكە تۇلعالارعا 8 ملن تەڭگەدەن استام سوماعا حاتتامالار تولتىرىلدى.
«نەگىزىنەن جۇمىس رەجيمى, بەتپەردە رەجيمى بۇزىلادى, سونداي-اق كوپتەگەن مەكەمەلەردە ادامدار كوپ جينالادى. ينفەكتسيانى جاپپاي جۇقتىرۋ جاعدايلارىنا قاراماستان, قالا تۇرعىندارى ۇيلەنۋ تويلارىن جالعاستىرىپ وتىر وندا باستارىن قاۋىپكە تىگىپ, قارت ادامدار دا كەلەدى, ال جۇقتىرعان جاعدايدا اۋرۋ الدەقايدا اۋىر بولادى. الماتىلىقتاردى جاقىندارىنا وسىنداي قاۋىپ توندىرمەۋگە شاقىرامىن. ۇيلەنۋ تويىنان نەمەسە كلۋبتا بولعاننان كەيىن 300 قاتىسۋشىنىڭ ارقايسىسى ۇيىنە ورالادى, جاقىن ادامدارىمەن بايلانىسادى, ولارعا جۇقتىرۋى مۇمكىن», دەدى ر.گاسانوۆ تۇرعىندارعا.
رافاەل گاسانوۆتىڭ ايتۋىنشا, مونيتورينگ توپتارىنا كۇن سايىن جۇقتىرۋ وقيعالارىنىڭ كوبەيۋى بايقالاتىن بىرقاتار اۋدانداردا باقىلاۋدى كۇشەيتۋ بويىنشا ۇسىنىستار بەرىلگەن. اتاپ ايتقاندا, بۇل مەدەۋ, المالى, بوستاندىق جانە اۋەزوۆ اۋداندارىنىڭ مونيتورينگتىك توپتارىنىڭ جۇمىسىنا قاتىستى, بۇل اۋدانداردا كوڭىل كوتەرۋ سيپاتىنداعى نىسانار كوپ. سونداي-اق, ءۇي جانىنداعى ساۋدا نىساندارىن, ءدارىحانالاردى, سوو, ءسۇ, بازارلاردى (باراحولكا), اۆتو جانە تج ۆوكزالدارىن, اۋەجايدى جانە قوعامدىق كولىكتى تەكسەرۋدى كۇشەيتۋ قاجەتتىلىگى اتاپ ءوتىلدى.
شتاب كۇن سايىن ءموبيلدى وپەراتورلاردىڭ دەرەكتەرى بويىنشا ازاماتتاردىڭ جينالاتىن ورىندارىنا تالداۋ جاسايتىنىن اتاپ ءوتتى. مىسالى, ادامداردىڭ كوپ جينالۋىن تالداۋعا سايكەس, جاپپاي ءىس-شارالار نەگىزىنەن المالى, بوستاندىق جانە مەدەۋ اۋداندارىندا وتكىزىلەدى. سوندىقتان اتالعان اۋدانداردا مونيتورينگتىك توپتاردىڭ سانى ۇلعايتىلىپ, قالانىڭ وزگە اۋداندارىندا 150 نىساننىڭ ورنىنا 270 نىسان قامتىلدى. جىل باسىنان بەرى بارلىعى 1067 تەكسەرۋ ءىس-شاراسى وتكىزىلدى, ونىڭ بارىسىندا 8420 نىسان قامتىلدى, كارانتيندىك شارالار بۇزىلعان 749 وبەكت انىقتالدى. سوتقا بارلىعى 58 ماتەريال جىبەرىلدى.
رافاەل گاسانوۆ سونداي-اق سوتتاردىڭ كاسىپكەرلىك سۋبەكتىلەرىنىڭ كارانتيندىك شارالاردى بۇزعانى جانە ءتيىستى شارالار قابىلداعانى تۋرالى ماتەريالداردى قاراۋ ءراسىمىنىڭ ۇزاقتىعىن اتاپ ءوتتى.
«كاسىپكەرلىك سۋبەكتىلەرىنە قاتىستى. مەن ءوزىم مونيتورينگتىك توپتاردىڭ قۇرامىندا كارانتيندىك شارالاردىڭ ساقتالۋىن قايتا-قايتا تەكسەرىپ وتىرامىن. وكىنىشكە قاراي, سوت شەشىمىنە قاراماستان, كەلۋشىلەر مەن قىزمەتكەرلەردى جۇقتىرۋ قاۋپىنە يتەرمەلەي وتىرىپ, 300-400 ادامدى جابىق عيماراتتا جيناۋدى جالعاستىراتىن بىرقاتار قاساقانا بۇزۋشىلار بار», - دەدى رافاەل گاسانوۆ. - وسى الاڭدى پايدالانا وتىرىپ, ءبىزدىڭ دەپۋتاتتارىمىزعا جانە ادىلەت مينيسترلىگىنە كارانتين شارالارىن جۇيەلى تۇردە بۇزعانى ءۇشىن جازانى قاتاڭداتۋ مۇمكىندىگىن قاراستىرعىم كەلەدى».
ءوز كەزەگىندە بەينە-كونفەرەنتسيا-بايلانىس جۇيەسى بويىنشا ءباسپاسوز كونفەرەنتسياسىنا قاتىسقان قر پارلامەنتى ءماجىلىسىنىڭ دەپۋتاتى يرينا سميرنوۆا قولداۋ ءبىلدىرىپ, جازانى قاتاڭداتۋ بويىنشا وسى باستامانى جازباشا رەسىمدەۋدى ۇسىندى. بۇل دەپۋتاتتىق ساۋالعا باستاماشىلىق ەتۋ ءۇشىن قاجەت.
«دەنساۋلىقتارىنا قاۋىپ تونگەنىنە قاراماستان, نىسانداردى تەكسەرەتىن باقىلاۋ توپتارىنا «راقمەت» ايتقىم كەلەدى. مەن قازىر بەلگىلەنگەن سانيتارلىق نورمالاردى قاساقانا بۇزعانداردى جازالاۋ تاسىلدەرىن قايتا قاراۋ كەرەك دەگەن ۇسىنىسىڭىزدى جازباشا تۇردە نەگىزدەۋدى ۇسىنامىن», - دەدى يرينا سميرنوۆا.