جالپى, پرەزيدەنتتىڭ سوڭعى كەزدەگى ءار قادامى مەن ءار شەشىمىن قاراپايىم حالىق جان-جاقتى قولداپ كەلەدى. سەبەبى مەملەكەت باسشىسىنىڭ وسىنداي وزەكتى ماسەلەلەرگە قاتىستى شىعارعان شەشىمىنەن كەيىن قوعامدا ءبىر ساياسي ەرىك-جىگەر پايدا بولىپ, حالىقتىڭ اراسىندا ساياسي سەرپىلىس بايقالىپ ءجۇر.
جەردى شەتەلدىكتەرگە ساتپاۋ جانە جالعا بەرمەۋ – ۇلتتىق قاۋىپسىزدىككە تىكەلەي بايلانىستى ماڭىزدى ماسەلە. ەلىمىزدىڭ الەمدىك ارەنادا تاۋەلسىز مەملەكەت بولىپ تۇعىردان تايماۋى, ىشكى بىرلىگىمىزدىڭ تۇتاستىعىنىڭ ب ۇلىنبەۋى دە جەر تاعدىرىمەن تىكەلەي بايلانىستى. سول سەبەپتى دە قاسىم-جومارت كەمەل ۇلىنىڭ بۇل زاڭ جوباسىن ماجىلىسكە تەزدەتىپ جولداۋىن ەرەكشە قولدايمىن. الداعى ۋاقىتتا ءماجىلىس تە حالىق تاعدىرىمەن استاسىپ جاتقان بۇل زاڭ جوباسىن قولداپ, ناقتى ىسكە اسىرادى دەگەن سەنىم مول.
شىنداپ كەلگەندە, قاراپايىم حالىق ءۇشىن جەردەن ارتىق بايلىق جوق. ۇرپاقتان-ۇرپاققا قالدىراتىن باستى قازىنامىز دا وسى جەر. سوندىقتان دا پرەزيدەنتتىڭ تالاي جىلدان بەرى شاتقاياقتاپ, تالاي مۇددەلى توپتىڭ تالاس-تارتىسىنا ءتۇسىپ كەلگەن وسى ماسەلەگە سوڭعى نۇكتە قويىپ, شىعارعان وسىنداي ناقتى شەشىمىنە ۇلت بولىپ, قوعام بولىپ قولداۋ كورسەتىپ, الداعى ۋاقىتتا زاڭنىڭ ناقتى جۇزەگە اسىرىلۋىنا ءبىر كىسىدەي اتسالىسۋىمىز قاجەت.
سامات نۇرتازا,
ساياساتتانۋشى