نۇر-سۇلتان قالاسىنىڭ قىزىل ايماققا ەنگەنىن ەسكەرە وتىرىپ, جەكسەنبى كۇنى, ياعني 21 ناۋرىزدا ەلورداعا لوكداۋن ەنگىزىلەدى, دەپ حابارلايدى Egemen.kz ەلوردا اكىمىنىڭ ءباسپاسوز قىزمەتىنە سىلتەمە جاساپ.
جەكسەنبىدە سوو, ءسۇ, سو (ولاردا ورنالاسقان ءدارىحانالاردى, سونداي-اق تاماق ونىمدەرى مەن ءبىرىنشى كەزەكتە قاجەتتى زاتتاردى ساتاتىن جانە ورنالاسقان جەرىنە قاراماستان قىزمەتىنە رۇقسات ەتىلگەن وبەكتىلەردى قوسپاعاندا), جابىق ازىق-ت ۇلىك ەمەس بازارلار, ازىق-ت ۇلىك ەمەس تاۋارلاردى وتكىزەتىن وبەكتىلەر, جابىق سپورت وبەكتىلەرى, حقو, «قازپوشتا» اق سەكىلدى مەكەمەلەردىڭ جۇمىس ىستەۋىنە تىيىم سالىنادى.
سونداي-اق دەزينفەكتسيالىق جۇمىستار جۇرگىزىلۋىنە بايلانىستى جەكسەنبى كۇنى قوعامدىق كولىكتىڭ جۇمىسى توقتاتىلادى.
سەنبى جانە جەكسەنبى كۇندەرى فيتنەس-ورتالىقتاردىڭ, فيتنەس-كلۋبتاردىڭ, سپورتتىق-ساۋىقتىرۋ وبەكتىلەرىنىڭ, ساۋنالاردىڭ, سپا-ورتالىقتاردىڭ («سارى ايماق» كريتەريلەرى قولدانىلاتىن «Ashyq» پيلوتتىق جوباسىنا قاتىساتىن وبەكتىلەردى قوسپاعاندا) جۇمىسىنا تىيىم سالىنادى.
«قالاداعى ەپيدەميولوگيالىق جاعداي تۇراقسىز. وتكەن مەرەكە كۇندەرىنەن كەيىن كوروناۆيرۋس ينفەكتسياسىن جۇقتىرۋشىلار سانى كۇرت كوبەيدى. وسىعان بايلانىستى قوسىمشا كارانتيندىك شەكتەۋلەرى بار قاۋلى 18 ناۋرىزدان باستاپ قولدانىسقا ەنگىزىلەدى.
ناۋرىز مەيرامىنا وراي بۇقارالىق ءىس-شارالار وتكىزۋگە تىيىم سالىنادى. ىندەتتىڭ ورشۋىنە جول بەرمەۋ كەرەك. مەديتسينالىق ۇيىمدار مەن مەديتسينا قىزمەتكەرلەرىنە شامادان تىس جۇكتەمە بولماس ءۇشىن قاتاڭ سانيتارلىق نورمالار ساقتالۋى قاجەت, ياعني بەتپەردە تاعىپ, الەۋمەتتىك قاشىقتىقتى ساقتاۋ كەرەك», - دەدى نۇر-سۇلتان قالاسىنىڭ باس مەملەكەتتىك سانيتارلىق دارىگەرى سارحات بەيسەنوۆا.
س. بەيسەنوۆا 18 ناۋرىزدان باستاپ قوعامدىق تاماقتانۋ وبەكتىلەرىنىڭ (مەيرامحانالار, ءدامحانالار, بارلار, اسحانالار) جۇمىس جانە دەمالىس كۇندەرى ساعات 07:00-دەن 22:00-گە دەيىن جۇمىس ۋاقىتى قىسقاراتىنىن اتاپ ءوتتى.
سونىمەن قاتار, 18 ناۋرىزدان باستاپ كينوتەاترلار مەن كينورۋمداردىڭ جۇمىسىنا تىيىم سالىنادى.