«رەسمي سايتتىڭ ديزاينى مەن قۇرىلىمى جاڭارتىلىپ, اسىرەسە, پاندەميا جاعدايىندا وزەكتى بولىپ وتىرعان ونلاين-ترانسلياتسيالاردى وتكىزۋ مۇمكىندىگى ىسكە قوسىلدى. قاسىم-جومارت توقاەۆتىڭ Twitter الەۋمەتتىك جەلىسىندەگى رەسمي اككاۋنتىنا جانە پرەزيدەنتتىڭ ءباسپاسوز قىزمەتىنىڭ Facebook جەلىسىندەگى پاراقشاسىنا سىلتەمەلەر سايتتىڭ نەگىزگى بەتىندە كورسەتىلگەن.
سايتتىڭ تەحنيكالىق سيپاتتامالارى ءبىرشاما جاڭارتىلدى. اتاپ ايتقاندا, پلاتفورما جاڭارتىلىپ, ۆەب-سايتتىڭ جىلدامدىعى ارتتى, تۇتىنۋشىلار ءۇشىن پاراقشانىڭ اشىلۋ ۋاقىتى قىسقاردى, سايتتىڭ ىشكى كومپونەنتتەرى, دەرەكتەر قورى جانە باعدارلامالىق كلاستەرلەر جۇمىسىنىڭ ىڭعايلى ءارى جەدەل بولۋىن قامتاماسىز ەتەتىن زاماناۋي باعدارلامالىق نەگىزدەر ورناتىلدى. قاۋىپسىزدىك كەڭەسىنىڭ جاڭالىقتارى ەندى جاڭا تاراۋدا جاريالانادى. سونىمەن قاتار مۇراعاتتاعى اقپاراتتارعا دا قول جەتكىزۋ تەتىگى جەتىلدىرىلدى», دەپ جازدى ب. ءۋالي.
ەسكە سالا كەتەيىك, قازاقستان پرەزيدەنتىنىڭ سايتى سوڭعى رەت 2015 جىلى جاڭارتىلعان ەدى.